Popular Bible Verses from Lukas 11

Share

Boloka tomwat yatkar a kmi e, nempa mifai ma myal kabain ngamonar ber angkimir. Ma nlengan e Amir ma namin surga ne! I nafai nlengan nof a kmi a nbal ma keta nal Smwangtany ber sir ma rtak rof I!”

Mpa Yakw kfwalak ber a kmi: Mtyak dedesar myof Ratu, keta I nal ber a kmi. Ma minriak safe ma mpyerlu myof I a ne keta nal ber a kmi. Ma dedesar ma mtyar ngarany nema keta nbanril fofolat ber a kmi.

Fali tomwate ma ntak nof Ratu keta nal ber i. Tomwate ma nanriak ni perluar nof Ratu keta nal ber i. Ma tomwate ma dedesar ma ntar Ratu ngarany, keta nbanril fofolat ber i a nbal.

Yesus nfalak ber sir, “Ka msyampayang farye, Kam Amyamar, ka weni tomwatar ralang Ko ngaram, ka weni Ko mweluk Rai ma mfwarete tomwatar na saryamprene.

Ma mlwure kam mamy salar, fali kam a nbal mlwure tomwatar ma rose yatak kam. Mujake kam nema smwangat yatkar nir ulun kete nateman kam ma mose sale.”

Mwal tnyame dengan ber kam lerar monuk.

Matmir ye farlan damar ber tenmir. Farlan matmir a rangafel, keta mkyeban safe-safe motak. Ma farlan matmir makrokap, keta to mkyeban sasaf.

“Tomwatar to rtutun damar betno ramudim nre ral ngusi ma rsungap. Nempa ka rtikloi damar na impan, nema tomwatar rti das dalam e, rkeban ngaodir.