Popular Bible Verses from Lukas 21

Share

Mijake kmi fen ngamone, ma msyampayang dedesar nema mimkoran ma bomir myal kabanir monuk ma keta rbotin a ne, terik ma mitungan myor Yakw, Tomwate Anaky noak ma kmwa ma kukun tomwatar na saryamprene.”

Yesus nfalak, “Mijake kmi fen ngamone, kete mdyaun lan festayar, anabuk, nre mir momorip lerar, nema ni lere ma kmwa e, kete myetrat.

Mpa farlan mimkoran ma milele Yakw ma mlyarat Yakw dedesar, keta kmi myonri momorip dedesar.”

La kal ngribatin anfayar ber a kmi, nema mir muswar a ne to fen lese ma nbangal nal mir tnyangkwar a ne.

Langit numur saryamprene keta rlie, nempa Ningw ngribatnir rmon titerik ma dedesar.”

Yesus nfalak a nbal, “Keta tomwatar rsalan fanikar na bulan, ftunar ma lere. Tomwatar monuk na saryamprene keta ramtaut ma to rafai anir, fali rdengar uman, ma rsalan lalawar ma ner silayar rafefar na dol. Keta ramtaut desar ma rmat fali rsalan safe ma nbotin na saryamprene ye, ma kabanir monuk na langit a ne ramyefar. Noak a ne tomwatar keta rsalan Yakw, Tomwate Anaky ma kmwa kof mutan dalam. Ma kmwa e kor Ningw kuase ma nlie nlengan ma snyaingw idak resi.

Keta tomwatar monuk rkedan a kmi fali mlyarat Yakw.

Keta ruku silai desar ma lafar silai numur maninik anraul nsor mpenempen. Keta msyalan faniak yatkar ma rbotin na langit, rose ma mimtaut.

Farlan mdyengar ibar feti tomwatar ramdiri yayat nre kafreye ka kete mimtaut. Botuan feti keta safe-safe monuk a ne rbotin. Nempa iane to ni tewat ma saryamprene namsos a fuky.” Ne Yesus nfalak naloran, “Keta nusar raale sir ma rayar raale sir a nbal.

Yesus nfalak a nbal, “Keta tomwatar rsalan fanikar na bulan, ftunar ma lere. Tomwatar monuk na saryamprene keta ramtaut ma to rafai anir, fali rdengar uman, ma rsalan lalawar ma ner silayar rafefar na dol. Keta ramtaut desar ma rmat fali rsalan safe ma nbotin na saryamprene ye, ma kabanir monuk na langit a ne ramyefar.

Ne Yesus nfalak naloran, “Keta nusar raale sir ma rayar raale sir a nbal.

Ne Yesus nfalak, “Ka mijak fen ngamone, nema tomwatar kete rfule kmi. Fali keta tomwatar yadin ral ngarangw ma rfalak feti sir ye Ray Silai. Ma rfalak a nbal feti, ‘saryamprene sesedin ma namsos lo.’ Nempa ka kete milele sir.