Popular Bible Verses from Markus 12

Share

Ne Yesus nfalak, “Farete ma ubany desar e farye: ‘Hei tomwat Israelar a kmi mdyengar fen ngamone! Ratu ma tsatngur ber I a ne lan lese.’ Ka mkyamis mir Ratu ma neluk mir Mangnrure ne myor dalmir kateman. Ma noak ma myose safe-safe motak ma mdyaun safe-safe motak e ka mfyatutu feti mkyamis I. Ma ka mkyamis I myor mir fakoran monuk.” Ma faret sa nbal farye: “Ka mkyamis tomwat walyetar feleles farlan ma mkyamis kmi a nbal. Mpa nof faretar monuk a ne lan faretar du ye ma ubany desar.”

Ne Yesus ntar Ni manglartar ma nfalak, “Mdyengar fen ngamone: bat some ma nawatan ye nau doit yadin a nlengan nof tomwatar monuk ma rnau nir dotyar a na babatak a ne. Fali mangoskayar a ne ral nir dotyar rof nir kabanir ma nres. Ma bat some ne boloka nawatan, nempa i nal monuk ni dotyar ma npaki la nmorip.”

Na ler sa e Yesus namin Ratu Ni Das Silai dalam ma namtoran e nlosir babatak snyompe. Ne I nsalan tomwatar rnau nir dotyar na babatak snyompe dalam. Ma nsalan mangoskayar yadin ma rnau nir dotyar yadin a nbal. Ne I nsalan bat somar sa ma nawatan ma nma nbal. I nau ni doit gobngar du a na babatak snyompe ne dalam. Doit a ne lan rufuky.

Botuan feti ka tkamis Ratu tor dalminrar kateman. Ma noak ma tose safe-safe motak ma tdaun safe-safe motak e, ka tfatutu feti tkamis I. Ma ka tkamis I tor ninr fakoran monuk. Ma ka tkamis tomwat walyetar farlan ma tkamis kit a nbal. Ma farlan tose tlarat faretar a ne, iane ma ubany desar nlengan nof snyompar monuk ma tapu ma tloik ber Ratu, ma nlengan nof snyomp walyetar a nbal.”

Mpa Yesus nfalak ber sir, “Farane e, myal ber Kaisar safe ma Kaisar nie, ma myal ber Ratu safe ma Ratu nie.” Mpe sir rampriang ma rdengar safe ma I nfalak a ne.