Popular Bible Verses from Markus 13

Share

Ma keta tomwatar monuk rkedan a kmi fali mlyarat Yakw. Nempa tomwatar ma ramkoran ma ralele Yakw terik ma saryamprene namsos, keta Ratu nfair sir.

Mpa ka mijake kmi ma mdyaf dedesar Ningw mamae! Fali kmi to mifai ni tewat ma kmwa.

Ma farlan romat a kmi ma ror kmi far mangtetak e, ka kete dalmir suse feti keta mfyalak safe. Fali noak ma renrat a kmi e, keta na lere ne nbal Ratu Smwangtany nafbotin safe ma ka mfyalak. Ma ngribatnir a ne to nof a kmi nempa nof Ratu Smwangtany.

Keta langit numur saryamprene rlie, nempa Ningw ngribatnir rmon titerik ma dedesar.”

Yesus nfalak a nbal, “Boloka farane to tomwate fen lese ma nafai feti bengfir e Yakw, Tomwate Anaky kmwa saryamprene. Malaektar ma ramin surga e to rafai, Ratu Anaky to nafai nbal, lan Amany ma nafai.

Farlan mdyengar ibar feti tomwatar ramdiri yayat na nusar sa, nre mdyengar prang na mpenempen e ka kete mimtaut. Botuan feti keta safe-safe monuk a ne rbotin, nempa iane to ni tewat ma saryamprene namsos a fuky.

Mpa ka mijak dedesar, fali kmi to mifai feti keta das nruany a ne nma e lere da, nronram nre nronram fetwalan, nre bobolisin makrokap. Ka mijake kmi nema nre kete metryat ma i nma e nsalan feti lolone mirwa. Safe ma kfwalak ye to ber lan kmi, nempa kfwalak a nbal ber tomwatar monuk ma ka rajake sir!”

Ma keta nusar raale sir ma rayar raale sir a nbal. Ma keta ruku silai ma lafar silai na mpenempen. Nempa susar monuk ma mkyoman a ne betno tubun motak nof suse silai ma keta diat saryamprene noak ma to namsos a fuky. Iane farlan suse ma batar sa ma betno nkoman maninik noak ma nose ma namtoranbab.”

Fali Ratu Ni Ibar Ngamone ka nsor monuk ber tomwatar na mpenempen a fuky betno saryamprene ye namsos.

Fali keta tomwatar yadin ral ngarangw ma rfalak, ‘Yakw ye Ray Silai’ la rfule tomwatar yadin.

Ma ka mijake kmi fen ngamone! Fali tomwatar keta romat a kmi ma ror a kmi ber mangtetak agamar ma rsidang a kmi. Ma keta rbabal a kmi a na das sampangar, ma ror a kmi ber mangfaretar ma rayar fali mlyarat Yakw. Nempa iane let ber a kmi ma mifwibar na Yakw ber tomwatar a ne.

Fali na lerar a ne keta tomwatar yadin rose felnir farlan rai silai ma nabyar. Ma keta sir rma ma rose fanikar ma kabain mpasalnar la rfule tomwatar. Ma nlengan e sir rareke ma rfule nbal tomwatar ma Ratu nfil sir a ne.

Ne Yesus nfalak a nbal, “Lama susar monuk ne omp, keta lere to nbet ma bulan to idak. Ma keta ftunar rfufw rof langit, ma kabanir monuk na langit a ne ramyefar.