Popular Bible Verses from Markus 14

Share

Ne I nfalak, “Amo o Amo, Ko bise ma mose safe-safe motak mpa farlan Ko mpweang e mwalin suse ye mof Yakw nre la? Ma ka kete mose mlwarat Ningw mpempeang, nempa mose mlwarat Ko Nim mpempeang.”

Ne Yesus nfalak a nbal, “Ka mijak dedesar ma msyampayang, nema nait ma smwangat yatkar nir ulun nteman a kmi e kete mfyufw far sale dalam. Botuan feti dalmir rmpeang ma myose mlyarat Ningw mpempeang, nempa koko kmi e to bomir myal ma myose.”

Mdyengar fen ngamone safe ma kfwalak ye, “Ni botuan e noak ma tomwatar rafwibar Ibar Ngamone na mpenempen na saryamprene ye, keta rasaur a nbal safe ma bate ye nose la ranremi i dedesar.”

Mpe nfalak ber sir, “Yakw dalangw suse desar, ma krwase feti ketla kmwat. Mpa mimin ye ma ka mbyatar myor Yakw.”

Noak ma Yesus nor Ni manglartar rane tnyam Paskah, I nal roti ma nose alang ber Ratu, betno napuse ma nsaman ber sir. Ma nfalak, “Roti ma kal ber a kmi ye, iane Yakw tenangw, myal ma mine!”

Mpene I nal kompi ma anggur ma namin a ne ma nose alang ber Ratu, ma nal ber sir ma renum mpane nof kompi ne. Ne I nfalak ber sir, “Anggur ye iane Yakw darangw ma ntarbui ber a kmi noak ma kmwat. Yakw darangw a ne ma nafkoran Ratu Ni yoyoding nor tomwatar.

Ne Yesus nfalak ber sir, “Kmi monuk keta to milele Yakw ma mifla mtyate Yakw. Fali rarengi na Kitap Lelerap dalam farye: ‘Keta Yakw kfwen mangajak domba, ma Ni dombayar ne rafla buiyefar sir.’

Mpyote kmi ma ti. Tomwate ma nfenri Yakw ne nma lo!”

Ne Yesus a nfalak, “Petrus, mdwengar fen ngamone! Ni botuan e nronram ye sife to nkikyeu lain du a fuky e, ko mumsoal Yakw lain tel e lo.”