Popular Bible Verses from Chenesis 26

Share

Yakni ilʋppak o̱ nowʋt a̱ya yosh ish ahantashke, mikma chibafoyuka lish, chi yukpali lashke; chishno, micha chi aiunchololi yak o̱ yakni ilʋppa moma ka̱ ima la chi̱ hoka, micha anumpa kʋllo yʋmma anumpulit chi̱ki Eblaham a̱ im il onochi li tok ʋt aia̱hlichi la chi̱ hoke.

Micha chim ishtatiaka ya̱ apaknʋchit ʋba fochik choyuhmichi la chi̱ hoke; mikmʋt yakni ilʋppa moma ka̱ chim ishtatiaka ya̱ ima la chi̱ hoke: mikma chim ishtatiaka yak o̱ oklushi moma yakni paknaka aiasha kʋt ai yukpa hi oke. Eblaham ʋt ʋm anumpa ha̱ im antiʋt, atokolit i̱ miha li, micha ʋm anumpa ʋlhpisa, micha a̱ nanʋlhpisa a puta aiena ka̱ holitobli tok oka, achi tok.

Mihma yʋmma ʋtta tuk ʋt kanʋlli cha, kʋli hofobi inla ho̱ kulli tok; mihma yʋmmʋno ik im afowo tok: mihma hohchifo ha̱ Lehobolh achi tok: micha, Himak ano Chihowah yʋt aiasha pin chitoli hoke; yohmi ho̱ yakni ya̱ waya achukmʋt il aiasha chi̱ hoke, achi tok.

Mihma Chihowah yʋt i̱ haiaka cha, Echip a̱ chik aiyo kashke: yakni chim anoli la chi̱ kak o̱ ish ahantashke.

Mihma yʋmma alta ai ikbi cha, Chihowah hochifʋt i̱ pa̱ha̱ya tok; micha yʋmmak o̱ im ʋlhtipo ya̱ a hilechi tok: mihma yʋmmak o̱ Aisak in tishu ʋhleha hʋt kʋli hofobi ya̱ a kulli tok.