Popular Bible Verses from Chenesis 39

Share

Atuk o̱ Chihowah yʋt Chosef a̱ ibafoyuka na hatak nana amosholit, im aia̱hli achukma atok: mihma i̱ shahli Echip hatak in chuka ya̱ ahanta tok.

Mihma nana im asha tuk moma kʋt Chosef ibbak a̱ fohki tok: nana im a̱sha tuk ʋt achʋfa kia ithana keyu, amba pʋska ʋpa ak illa beka tok: mihma Chosef ʋt hatak aiokli nipi pisa achukma atok.

Mihma aboha kʋllo apistikeli ʋt yuka aboha kʋllo aiasha moma ka̱ Chosef ibbak a̱ fohki tok: mihma nana hosh yʋmma a yʋmohmikma, yʋmmak osh yʋmihchi atok.

Mihma Chosef a̱ i̱ shahli yash osh ishi cha, aboha kʋllo, mi̱ko i̱ yuka hʋt talakchit aiasha ya̱ fohki tok: mihma aboha kʋllo yʋmmak o̱ foyuka tok. Yohmi kia Chihowah yʋt Chosef a̱ iba foyukʋt i̱ nukha̱klo cha, aboha kʋllo apistikeli yʋt i̱ kana hi ya̱ nukfo̱ho̱ki tok.

Atuk o̱ ilʋppa puta kash i̱ himmakma yakohmi tok, i̱ shahli ha̱ tekchi ʋt Chosef a̱ nishkin a̱ onochi tok; micha, Sʋba tʋshkí, achi tok. Yohmi kia ʋlhpesa ik ahno tok; micha i̱ shahli tekchi ya̱, Yakeh a̱ shahli hʋt sʋbbak foyuka tuk osh chuka nana aiasha ka̱ ithana keyu, micha nana im aiasha tuk ʋt moma sʋbbak fohki tuk oke. Chuka ilʋppa achʋfa kia ʋno ya̱ a̱ shahli kʋt ikshoshke: micha nana kia a̱ halanli tuk keyu, amba chishno ak illa tuk, tekchi chia hoka, yohmi ka̱ nanta katiohmi ho̱ nana ik achukmo chinto ilʋppa yʋmihchit Chitokaka ya̱ i̱ yoshuba la hinla cho? im achi tok.

Atuk o̱ nitak yʋmma foka ma Chosef ʋt im atoksʋli isht ʋtta chi̱ hosh chuka ya̱ chukowa tok; mihma chuka yʋmma hatak a̱sha chatuk achʋfa kia anu̱kaka iksho tok. Mihma yʋmmak o̱ i̱ nafohka ya̱ hoklit ai ishi cha, Sʋba tʋshkí, achi tok: mihma i̱ nafohka ʋt ibbak fo̱ka na kanchi cha, malelit kohcha tok.