Popular Bible Verses from मत्‍ती 24

Share

अधर्म के बढ़बे ते भौतन कौ पिरेम ठन्‍डौ पर जाबैगौ। पर जो अन्‍त तक धीरज धरै रैहबेगौ बाई कौ उद्धार होगौ।

और परमेस्‍वर के राज कौ जि सुभ समाचार सबरे संसार में पिरचार करौ जाबैगौ कै सब लोगन पै गबाही हौबे, तब अन्‍त आ जाबैगौ।

तुम लड़ाई और लड़ाइन की चर्चा सुनों तब घबरईयों मत। चौंकि इनकौ हैबौ जरूरी है पर बा समै अन्‍त नांय होबेगौ।

चौंकि देस देस पै और राज्य राज्य के बिरुद्ध खडे होंगे। जगैह जगैह अकाल परिंगे और भूकम्प आंगे। जि तौ बच्‍चा पैदा होवे ते पहले माँ कूं हैबे बारे पैहले दर्द कै जैसौ है।

धरती और आकास टल जायें, तौ टल जायें, पर मेरी कही बात नांय टल सकें।

चौंकि भौतेरे मेरे नाम ते आयकै कहिंगे कै, ‘मैंई मसीह हूं’ और बे भौतन कूं बहकांगे।

“तब बे तुमें सताब देबे काजै तुमें पकरबांगे और तुमें मार डारिंगे और मेरे नाम पै भरोसौ करबे की बजैह ते सब लोग तुमते घृना रखिंगे तब भौत ते भरोसौ खो देंगे और एक दूसरे कूं धोखे ते पकरबांगे और एक दूसरे ते घृना रखिंगे। भौतसे परमेस्‍वर के बारे में झूंठी बात बतायबे बारे खडे है जांगे। और भौतन कूं बहकांगे।

ईसू ने बिनते कही, “साबधान रहौ तुमें कोई भैकाय नांय दैबे।

जामारै तुम लोगऊ तैयार रहौ, चौंकि जा समै की तुम सोचतऊ नाऔ बाई घड़ी मैं, ‘मनुस्‍य कौ बेटा’ आ जाऊंगौ।

“जामारै तुम साबधान रहौ चौंकि तुम नांय जानतई कै मैं, तुमारौ पिरभू, कौन-से दिना आऊंगौ।

“बा दिना और बा समै के बारे में कोई नांय जान्त, ना तौ सुरग दूत और ना बेटा। पर केबल पिता ही जानतें।

चौंकि झूंठे मसीह और परमेस्‍वर के बारे में झूंठी बात बतायबे बारे खडे होगें,और ऐसे-ऐसे चिन्‍न और चमत्‍कार जामारै दिखायेंगे कै है सकै जो चुने भयेऐं, बे भैहक जांमे।

जैसौ नूह कै दिनान में भयौ बैसेई मुझ, ‘मनुस्‍य के बेटा’, के आयबे के समै में हौबैगो। चौंकि जल परलय ते पैहले जब तक नूह जहाज पै नांय चढौ तब तक लोग खा-पी रये हते और उनमें ब्याह सादी है रयी हतीं। जब तक जल पिरलय नांय आई और बानें सबकूं नांय बहाय लयौ तब तक काऊए कछू मालूम नांय पड़ौ, और जब मैं, ‘मनुस्‍य कौ बेटा’ आऊंगौ तब बैसौई हैबैगौ।