Popular Bible Verses from Lukas 8

Share

Hampoꞌ sinahuꞌ ung toang i tampo: ung malompo:, manturo: tau ung massàding suana Puang, pang na pailaling pinanaha ung mahulo: pang belo:. Minumpu‑i se deaꞌ hoa:.”

Pang sinahuꞌ ung toang i tampo: ung madàli makàrang, manturo: tau ung massàding suana Puang, hampoꞌ mantangaꞌ teng katuhoang i lino tee, mangkapelai: sukiꞌ pang tuho: masannang. Nasang to sa: mangkàrang-kàrànginna suana Puang, pùna langko:.

Mène: ho ti sinahuꞌ ung toang i tampo: ung kihatu i hoiꞌna, manturo: tau ung massàding suana Puang pang haka:‑i se mantarima, hampoꞌ hang pàraꞌ‑i ti oaꞌna pang hang masai‑i mupatongang. Pang ìna bùruꞌ ti tempona nikakaꞌi, madàli‑i se mingkeboꞌ.

MusuaNa‑mi moa teꞌ, “Aka dang nu Mi patongang se?” PasikolaNa mimàha pang mariaꞌ. Silàha:-làhana‑mi se moa teꞌ, “Isai sitongangna ti Tau te? pùna hela‑Da mamparenta ho pasaui pang balumba?”

Sinahuꞌ ung toang i dalang, manturo: tau ung massàding suana Puang, hampoꞌ bùruꞌ ti Datuna dihata bulituku marrampaꞌi nai pinanahanna‑i se, mangking hang mupatongang‑i se pang hang nipasalamaꞌ‑i.

Sàbaꞌ hari:‑da aka nai Puang ung tihuni ung dang nipupiitaa, pang hari:‑da ung dang niìsang, dang niìsànga pang nipatumennènga.

Bahine to mangìsang‑mo moa teꞌ aka ti ung na pukauꞌ hang hela‑i nihuni‑ing, mambùruꞌ‑ing tumaradidi:. Lumanna‑mi mukalimuntuꞌ tumunnuku i heleꞌna Yesu, pang mampatidolu i heleꞌna tau boso: aka pu na erong‑I, pang mampatidolu mangaka ti pàdana sainna tempo to ho teng. Musuana‑mi ti Yesu mao i bahine to teꞌ, “O anàKu, kapatongangangmu mampasalamaꞌ‑mo:. Nàmo: sìnang kabeloang.”

Na enangna‑mi se ti Yesu teꞌ, “O Tuang! O Tuang, ta masolang dasse: e!” TèdeꞌNa‑mi pang marràho pasaui pang balumba to. Pasaui pang balumba to manta, pang tasiki miluhali mànaꞌ.