Popular Bible Verses from Markus 9

Share

Na sùmui Yesu moa teꞌ, “Mangaka pu u moa teꞌ, ‘ìna U hela’? Nasang hela‑da mao i tau ung mupatongang.”

Mikeina‑mi ti amanna anaka to moa teꞌ, “Ku mupatongang, hampoꞌ pulemu‑kaꞌ, moi hang kànaꞌ‑i ti kapatongangangku!”

Tòna one:‑mi se i rasang ti Yesu, missaraka nai tau boso:, mingkutikìna‑mi se ti pasikolaNa moa teꞌ, “Aka pu dang ki hela‑ka mampasahu dihata bulituku to?” Na sùmuinna‑mi Yesu moa teꞌ, “Dihata bulituku ung mène: to, hang hela‑ida nipasahu salalona i da ni musumbayang‑i.”

Sia ìnang belo:‑da, hampoꞌ ìna hùling ti masianna, niakaa ti mampumasia pole? Parallu u lupu se masia, dea‑mo u lupu tuho: sikabeloi: besa na besa.”

“Isai-sai ti ung mantarima anaka mène: tee sàbaꞌ Koi:, tau to sibali mantarima‑Maꞌ. Pang isai-sai ti ung mantarima‑Kaꞌ, hang Koi:‑iko teng ti ung na tarima, hampoꞌ Dea ho to ung mampantuyu‑Maꞌ.”

Isai-sai ti ung mampulemu‑ko se, moi mampaenung‑ko se teng sangenùngang uhai kehiꞌ mahulo: sàbaꞌ u taunna se Datu: Pipasalamaꞌ, matantu te ung Ku pusua: matung e teꞌ Ìnang mangkoraia‑da ho kamaupaꞌang.”

“Hampoꞌ isai-sai ti ung mampabùruꞌa marèneꞌ nai besanna tau tee‑i se ung nihele supi: ung mampatongang‑Kaꞌ, baꞌ nai none: na hukùnga Puang àlo i hunni ti tau to, belo: sule: ìna nipintaꞌi hatu ung lammuꞌ i barakona, màli: nitibe‑i mao i tasiki.

Pang ìna mènena matammu mampahùling‑ko, kalèteke malai, sàbaꞌ belo:‑da sule: u kaloꞌ hampoꞌ mintama i kadatuangna Puang, nai none: kànaꞌ ti matammu hampoꞌ u nitibe mao i naraka.