Popular Bible Verses from ROMA 8

Share

Tomento'orio kanandio-andio, nine Ondae Ue Ala mo'angga Ira a luwuakoano mompokohina moikoado anu kumekewoi Ira, onaemo tiado mia anu mempinoboi menunu saru tinoo-Do Ue Ala.

Hangano kupemanasao, nine moiko matea, maupo tuwua, moiko luwuno mala'eka, maupo luwuno anu pomparenta, moiko anu kanandio-andio, maupo anu ta hawe, ke luwuno pabawa, moiko anu i wawono, maupo anu i totono, ke maupo anu mentuwu susuano, nahi ta polio monsia kita inso a pompehohawa-Do Ue Ala, anu kongko ndi Ondae i Kerisituu Yesu, Ueto.

Kanandio koa mbo'u Penaa tumulungi kita a laro molemato; hangano nahi tomento'orio, kana'umpe menteeano ba tompekakai; sine Penaa mekakaiakita luwuno pinemasusato anu nahi pinokopau ndi Ondae Ue Ala.

Onaemo pu'uno hapake anu ta pinauto mongkona luwuno atuu? Tewala Ondae Ue Ala me'alaako ndi ontae, isemake ta umewai kita?

Kanatuumo kanandio-andio nahina pohuku ndi ondae anu mekongko i laro-Do i Kerisituu Yesu.

Hangano po'eheno tuwu ntolino onaemo matea, sine po'ehe-Do Penaa onaemo tuwua ka rodoa.

Sine i larono luwuno atuu melalua kitapo sekono luwuno mia anu mponangi, hangano Ondae anu mehohawa kitamo.

Hangano kupe'ala-alao, nine marasaia tempo kanandio-andio nahi petoto ba ipinongkenaako saru marambaa anu ta pinokomengkaa ndi ontae.

Isemake anu ta monsia kita inso a pompehohawa-Do i Kerisituu? Pompokonsiia ke ma'isoa ke pobobarasaia, ke mokoninggoa ke kolambe-lambea, ke masukaraa, ke ponai?

Ka Ondae Ue Ala anu mepenteeo laro aroa, tumo'orio tinoo-Do Penaa atuu, onaemo nine Ondae, mekakaiako ira mia mempori menunu saru po'ehe-Do Ue Ala.

Luwuno mia anu tinaate-Do Penaa-Do Ue Ala, ondaemo ana-Do Ue Ala.

Hangano ondae anu mentuwu montonda tuwu ntolino, mpompewowolo mongkona anu inso a ngkoroi ntolino; ondae anu mentuwu montonda Penaa, mpompewowolo mongkona anu inso a Mpenaa.

Ondae, anu nahi Dopehohawao ana-Do Ondae-Do, sine anu meweengako Ira hangano ontae luwuto, kana'umpeke ka nahi Ira moweeakita luwuakoano meronga saru Ondae?

Penaa atuu mesakosii meronga saru penaato, nine ontaemo ana-Do Ue Ala. Ka tewala ontae ana, asalakono ontaemo mbo'u mpe'umbuo pusaka, tinoono luwuno mia anu tekona tumarimao luwuno dandi-Do Ue Ala, anu ira mentarimao meronga saru Ondae i Kerisituu, onaemo tewala memarasai kita meronga saru Ondae, ka tomempinokomaramba koa mbo'u meronga saru Ondae.

Hangano po'eheno tuwu ntolino onaemo umewa ndi Ondae Ue Ala, hangano nahi tondao songka-Do Ue Ala; mongkona andio lano nahi polio.

Hangano tedoa domengkekewoio luwuno anu tuwu mensikorio tempo domempinokomengkaa ana-Do Ue Ala.

Hangano tomento'orio, nine hawe kanandio-andio luwuno anu mentuwu pada mompemapari ka pada mpompemahaki kana mahaki me'ana.