Popular Bible Verses from Yohanes 13

Share

Asogo moʼgulentesirik, wene mesik disogo moʼgulentesi, “His en tugulom aʼge wene ʼget aʼge mesik moʼgulhentaik, An en his nedesogo welegi ai ʼgelaʼge, his asogoat, his-his nede-hede togu lemis o. His-his asogo nede-hede togu lorogup holuk e, is aphwami ʼberlegat enil hontoluk, Is yu Yesus osi demat hegi, oluk enaluk ema o,” oluk moʼgulentesi.

Asogo, an nebe honue ʼgain Nonuk Logo aʼge wene moʼgulhentasu aʼge en his honoyuk petne emethenebegis holuk e, his en asogoat his-his honoyuk petne emet-emet ʼbugulom o. An en his takhenebegi ai ʼgelaʼge, his en an nebabut wokho asogoat togu lemagoluk moʼgulhentegis o.

at Yesus en e, disogo moʼgulesi, “Not o. An tegis yu, ebe ʼgesogo ʼgelaʼgeat, hat heperlak o. Aʼgeat de, pobuk en haluk ema o,” oluk moʼgulese lagama

Wene mesik yu moʼgulhentaik, Ap ʼgain mesik eragam aʼge ʼgelaʼge oruakhwe, at eragam aʼge en logo ʼgelaʼge welago erlak o. Ai ʼgelaʼge, ap yoʼgo perakpasu aʼge ano eneragam ʼgelaʼge oruakhweat de, at yoʼgo lasu aʼge ano logo ʼgelaʼge welago erlak o, oluk demat moʼgulhentegis o.

An en wene moʼgulhentegis ai henaluk oroguptik togu lorogup holuk e, honogola henagai hogu lorogup o.

Asogo aluk welat, soʼboru nasu lagarik ebe inagarik e, osum ebe ʼbuktak aʼge noʼgorlogo poluk e, sum ʼgume wit-wat enebetne horogwi aʼge wesirik ebagaseʼgwe herle ʼgelaʼge ʼbetesogo pesi. Asogo tegeitik e, sogoluak loyang pam ik naʼgogo ʼgwelakpesirik e, at osi iak wogu legesa aʼge ebano onoyuk petne emerenebegeitik e, sum ebagase herle ʼbuksogo pesi aʼge ano pam enaʼbosu ho enebil laga.