Popular Bible Verses from Juan 12

Share

Scotol li boch'o tsc'an ta xtun cu'une ac'o sts'aclinun batel. Ti bu chic'ote, te chc'otic ec li cajtuneltaque. Li boch'o ta xtunic cu'une, ta x'ac'atic ta ich'el ta muc' yu'un li Jtote.

Li boch'o ta xc'uxubin sbae, ta xch'ay. Yan li boch'o mu tsotsuc sc'oplal cha'ay li xcuxlejal li' ta banamile, ja' sventa chcuxi sbatel osil.

Jamal chacalboxuc, me mu'yuc ta xich' ts'unel, me mu'yuc ta xich' muquel ta banamil li bec' trigoe, te staoj yav jech jbejbej o. Pero me ta xich' muquel ta banamile, ta x'epaj.

Vu'un luz c'otemun li' ta banamil. Scotol li boch'o ta xch'unicune mu xanovic ta ic' osil.

Li boch'otic ta xa'ibicun jc'ope, me mu spas li c'usi cha'yique, muc vu'cun ta jchapan. Yu'un muc talemucun ta xchapanel li cristianoetic li' ta banamile. Talemun sventa ta jcoltaic.

Li Mariae laj yich' tal o'lol litro muil poxil, nardo sbi. Ven toyol stojol, yu'un ja' li bats'i nardoe. La xjaxbe ta yacan li Jesuse; ts'acal la scus ta stsotsil sjol. Li yic' muil poxile ipuc ta sbejel yut na.

Jech la sa'ic batel yanal xan, bat snupic tal ta be. Tsots i'avanic. Jech laj yalic: —¡Ich'biluc ta muc' li Diose! ¡Toj lec li boch'o tacbil tal ta sventa Cajvaltic Diose! Ja' xa ajvalil ta sventa li Israele —xiic.

Jech i'albatic yu'un li Jesuse: —Laj xa sta sc'ac'alil chi'ich'at ta muc', vu'un ti Xnich'on cristiano lic'ote.