Popular Bible Verses from Juan 13

Share

Ta xcalboxuc comel jun ach' mantal, c'anano me abaic. Jech chac c'u cha'al la jc'anoxuc li vu'une, ja'uc me jech chac'anan abaic li vo'oxuque. Me jech chapasique, jech ta sna'ic o scotol cristianoetic ti vo'oxuc cajchanc'opoxuque —xut yajchanc'optac li Jesuse.

Pero me la jpocboxuc avacanic, vu'un li Avajvalicun, vu'un li Jchanubtasvanejun avu'unique, ja' tsc'an ec ti jech chapocbe aba avacanic li vo'oxuque. Ti c'u x'elan laj cac'boxuc avilique, ja' jech xapasic ec.

Itac'ov li Jesuse: —Li c'usi ta jpase mu xu' chava'ibe smelol ta ora. Ts'acal to xu' chava'ibe smelol —xut.

Jamal chacalboxuc ava'yic, li boch'o mozo no'oxe ma'uc muc' c'otem ta stojol li yajvale. Jech noxtoc li boch'o tacbil no'ox ta spasel c'usi tspase, ma'uc muc' c'otem ta stojol li boch'o itacvane.

Me laj ava'yic lec scotol li c'usitic tsc'an chapasique, me jech chapasique, xcuxet no'ox avo'ntonic.

Jech iva'i ti c'alal chve'e. La sloc' li snatilc'u'e; ja' stsac jlic poc', ja' la smac o xch'ut. La sq'ueb vo' ta pocobc'obal, lic spocbe yacan li yajchanc'optaque, la scusbe o ta poc' ti smacoj o xch'ute.