Popular Bible Verses from Lucas 11

Share

Vo'oxuc ti chopoloxuc ono'oxe, xana'ic c'usi lec chavac'beic li anich'nabique. ¡Buuc xa li Atotic te oy ta vinajele Ch'ul Espíritu chac'be li boch'otic ta sc'anique! —xi li Jesuse.

Ja' yu'un chacalboxuc ava'yic: C'anic, cha'ac'batic; sa'ic, chataic; tijic, chajambatic.

Yu'un li boch'o ta sc'anilane, ta x'ac'bat; li boch'o ta sa'ilane, ta sta; li boch'o ta stijilane, ta xjambat.

Itac'ov li Jesuse: —C'alal chac'opanic Diose, jech xavalic: ‘Jtotic Dios, ich'biluc ta muc' li abie. Ac'o sta yorail chapas mantal, [ac'o pasuc c'usi tsc'an avo'nton li' ta banamil jech chac c'u cha'al te ta vinajele].

Pasbuncutic perdón yu'un jmulcutic, jech chac c'u cha'al ta jpasbecutic perdón li boch'otic oy smul cu'uncutique. Mu me xavac' stsaluncutic li sujel ta mulile. [Coltauncutic loq'uel ta sc'ob li pucuje]’, xachiic ti c'alal chac'opanic Diose —xi.

Ac'buncutic tal jve'elcutic ta jujun c'ac'al.

Li asatique ja' luz c'otem yu'un li abec'talique. Me lec li asatique, lec sac osil chil sjunul li abec'talique. Yan me mu'yuc lec li asatique, oy ta ic' osil sjunul li abec'talique.

“Li boch'o ta stsan candile, mu'yuc ta snac', mu'yuc ta snujmaqui ta anmul. Ja' ta xvuchan lec ta xvuchanubil, yu'un jech chilic osil scotol li boch'otic ta x'ochic tale.