Popular Bible Verses from Lucas 12

Share

Ja' no'ox jechoxuc ec li vo'oxuque, chapalucoxuc me. Yu'un c'alal mu'yuc chanopic chital vu'un ti Xnich'on cristiano lic'ote, ja'o chivul ta loq'uel”, xi li Jesuse.

Ja' tsc'an ba'yuc chasa'ic li ventainel yu'un Diose, jech chayac'boxuc scotol li c'usitic ta xtun avu'unique.

Li Jesuse jech laj yalbe scotolic: —Bijanic me, q'uelo me abaic ta sventa li xpich'etel avo'ntonique. Yu'un li xcuxlejal jun cristianoe ma'uc te tsta o me bats'i ep c'usi oy yu'une —xut.

Yu'un ti bu tsobol ac'ulejalique ja' te chbat avo'ntonic.

¿Me yu'un ta xnatub o jutuc avorailic li' ta banamil ti jech chlo'ilaj avo'ntonique?

Li Jesuse jech laj yalbe li yajchanc'optaque: “Ja' yu'un jech chacalboxuc ava'yic, mu me xlo'ilaj avo'ntonic ta sventa c'u x'elan chacuxiic li' ta banamil, ta sventa bu chata ave'elic, xchi'uc ta sventa c'u x'elan chmac chpix li abec'talique.

Li vo'oxuque c'alal ta stsotsil ajolic atabil c'u yepal. Ja' yu'un mu me xaxi'ic. Yu'un vo'oxuc ech'em tsots ac'oplalic jech chac c'u cha'al li bic'tal mutetique.

“Ac'o me mu'yuc epoxuc, cunin chijtac, pero mu me xaxi'ic. Yu'un li Jtotic Diose slequil yo'nton laj yac'boxuc li ventainel yu'une.

Q'uelavilic li jojetique, mu sna' x'ovolajic, mu sna' xc'aojic, mu'yuc snail li sve'elique. Pero mac'linbilic yu'un li Diose. Li vo'oxuque ech'em to tsots ac'oplalic jech chac c'u cha'al li mutetique.

Ja' yu'un li vo'oxuque mu me xvulvunuc avo'ntonic ta sventa li c'usi chave'ique xchi'uc li c'usi chavuch'ique.

Li nichimetique toj c'upil sba ac'bil yu'un li Diose, pero ta yoc'omal xcha'ejale taquinic xa'ox, ta xa'ox xich' chiq'uel ta c'oc'. Li vo'oxuque ech'em to jech chaxc'uxubinoxuc li Diose. Pero mu'yuc xch'unojel avo'ntonic.

Yu'un mu'yuc c'usi stac' muquel ti mu xvinaj oe. Mu'yuc c'usi stac' naq'uel ti mu'yuc boch'o xu' tsna' oe.