Popular Bible Verses from Mga Binuhatan 3

Share

Ngani maghinuesoe kamo ag magtalikod sa inyong mga saea ag magpanumbalik sa Dyos agod patawaron nana kamo.

Pero naghambae si Pedro, “Owa gid ako it kwarta pero may iya kakon nga itao ko kimo. Sa gahom ni Jesu-Kristo nga tagaNazaret, tindog ag magtikang!”

Ginbuytan dayon ni Pedro ro tuo nga alima ku ratong tawo agod patindugon. Gulpi eang nga nagkusog ro siki ag ro buko-buko ku ratong tawo. Matsa pumisik imaw halin sa anang ginalingkuran, tumindog ag nagtinikang paadto-pabalik. Pagkatapos, nagsunod imaw kanda pasueod sa Templo nga nagatikang, nagaliksi-liksi ag nagadayaw sa Dyos.

Paagi sa gahom ni Jesus hay nagbaskog ro mga siki ku rayang tawo nga inyong hakita ag hasayran nga dati anay nga eupog. Nagsalig imaw kay Jesus pareho kamon ngani nagmayad gid imaw ag hara, kita man ron ninyo tanan.