Popular Bible Verses from Mga Binuhatan 4

Share

Owa eon kita it iba pang maagyan agod maeuwas kundi si Jesus eang, ay imaw eang sa bilog nga kalibutan ro gintao it Dyos nga dapat naton nga tuuhan agod maeuwas.”

Pagkapangamuyo nanda hay nag-uylog ro lugar nga andang ginatipunan ag napuno sanda tanan it Espirito Santo ag halin kato hay nagsinugid sanda ku mensahi it Dyos nga may kaisog it buot.

Ginuo, pamatii tuo ro andang pagpamaeag, ag taw-i kami nga imong mga ulipon it kaisog it buot nga magsugid ku imong mensahi.

Si Jesus ro ginapatungdan sa nasueat sa Sagrado nga Kasueatan nga ‘ ro bato nga ginbilang it mga panday nga owa it pueos hay imaw pa gali ro pinakaimportanti nga bato sa pundasyon it bilding. ’ Ag kamo't-a ro mga panday nga nagbilang kana nga owa it pueos.

Hangawa gid ro mga myembro it *Sanedrin sa kaisog nga ginpakita nanday Pedro ag Juan ay sa tan-aw nanda hay mga ordinaryo eang sanda nga mga tawo ag owa it tinun-an. Hadumduman dayon nanda nga ro daywa ngato hay kaibahan anay gali ni Jesus.

Nagsambilog ro tanan nga mga tumueuo sa andang kabubut-on ag paino-ino. Owa gid it nagahambae nga ana eang ro anang pagkabutang dahil ginabilang nanda nga rato tanan hay para man sa andang mga kaibahan.