Popular Bible Verses from Juan 5

Share

Naghambae pa gid si Jesus, “Matuod gid rang ginahambae kinyo nga ro nagapamati sa akong ginahambae ag nagatuo sa nagpadaea iya kakon hay may kabuhi nga owa it katapusan. Indi imaw pagasintinsyahan it kamatayon nga owa it katapusan, dahil gintaw-an eon imaw it kabuhi nga owa it katapusan.

Hakita imaw ni Jesus nga nagaeubog idto ag hasayran nana nga mabuhay eon nga makarato ro sitwasyon ku eaki ngato. Ana ra dayon nga pinangutana, “Gusto mo nga magmayad?”

Sige ro inyong tinuon ku Sagrado nga Kasueatan ay gaeaom kamo nga paagi sa inyong pagtinuon ngaron hay makabaton kamo it kabuhi nga owa it katapusan. Pero ro Kasueatan ngaron hay nagapatungod kakon ugaling hay owa gihapon kamo naila magdangop kakon agod taw-an ko kamo ku kabuhi ngaron nga owa it katapusan.

Naghambae dayon si Jesus, “Bangon. Hakwata ring eugban ag magpanaw ka dayon.” Nagmayad eagi tag eaki, ag anang ginhakwat ro anang eugban ag pumanaw. *Adlaw it Inogpahuway kat natabo rato

Ngani naghambae si Jesus sa mga manogdumaea ngato, “Matuod gid rang ginahambae kinyo nga Ako nga Unga it Dyos hay indi puydi nga mag-obra it akon-akon eang kundi ro akon eang nga ginaobra hay kon ano ro akong hasayran nga gusto ku akong Ama nga obrahon. Ngani ro mga ginaobra it Dyos Ama hay anang ginaobra paagi kakon nga anang Unga.