Popular Bible Verses from Muuduko 45

Share

Toro te kevu mino nuugwiyo mallo'mo amonuuwapiyopo tovino aro kuudo nyaupiyo. Oo nevu kaiyako sugolowo tooldeyo, kuudo yauropi jul'nyo mibwosunpinono. Su tov aro tovinokwono. Yiuwi'nokai a'mwo abolo ton mujuko'mo nobolpiyokwe wiyo'mwojo'moneyokwe Gooti tool mi akawai'no amonuwopiyabokanyugono. Toro te akawai'no kemi sumdomgu abo toonyu nokwo ikullo'mwojumonyugono.

Toro te nuu akawai'no abo tov kevu amonuwopiyaboponyumaiyo. Mi akawai'no amonuwopiyaboka kuunodo tool yiuno Gooti tookono. Aki toro tool a'mwo aguto amonyudapiyokanyugono. Toro toonyu a'mwo aguto Feroo toollu ganumiyago toolbusuko wimo'nodum kwollu yodubwasokwenyugono. Aki toro toonyu gamoro ago tovida'ai yiuwi'nokai tonyu mido mollomwalodumdonyugono. Aki yiuwi'nokai kwako Ijup tomuuda'ai a'mwo aguto sumo'numwakonyugono.” Kuudokaikono.

Toro te Gooti tool kevu muju'wuulo tovi yiunokuudo nobolpiyokwe kwako akavi kuuno mujomwekovlaiyo'moneyokwe mi amonuwopiyabokanyugono. Kevu yere mwolabodopure toga mi sumdomgu akawai'no amonuwopiyabokanyugono. Toro toonyu ikullo'mwojodo'mure tovida'ai kemoro kwoloraiyo togai'aro tellukweyago toorogai'aro tooro aiyo nokwo mujomwekovla'mwalpinogano.

Toro te Joosepol gami gadai'yago toorai kuudokaikono. “Kevu wobo akaru dobilo.” Toro doma'no sumaiyokwe wobo toru abodavopo toorai aro kuudokaikono. “Nuu Jooseponyugono. Toro toonyu aiyoga a'mwo pworo kemi nuugwiyo ikubiyo'mno mi amonuwapiyoponyugono. Toro te a'mwo su tooro Ijup akaru'no anumokaboponyugono.

Muju'wuulo tov kwako akavi kworomo pullal me'no uuwolo'nodowodo kuvi kuruv atobuul kworomo pubuuke'aro kuuno mujo'movla'mdowo'jure toga a'mwo abolo ton kemi womdo tonyuda'ai wosamujuko puru'monodo kuruv mamulanpinogano.

Joosepol kumdato me'no dopino sumaiyokwe gami gadai'yago toorai aro kuudokaikono. “Nuu Jooseponyugono. Mi nyunumiyago tool kuuno dukomwallo?” Toro kuudoka tovi gadai'yago tooro wuu'no'mno luko bwotonyo soporogano. Toro ino sumaveyokwe Joosepolluro kuudoganoka tovi kemoro yogalo puruv muudoporogano.