Popular Bible Verses from Joon 15

Share

Nuu iko wain kuunodo toonyugono. Aki kevu iko wain toonyuro ipilo toorekikono. Toro te a'mwo pwol numi nuguro'mwonyugovlavowo'ji aki nuu kuuguro'mwonyugovla'mi tov a'mwo su tool ikulsulo bwotonyago ki'nugovla'mwalonekono. Su tov aro tovinokwono. Kevu numi manuguro'mwonyugovlapi to'gwowi ikulsulo ki'nyo'moneyokwe womdo puru'monodo kuruv ku'nono mipinorekikono.

Nuu kemi ikuguro'mwonyumwalmonyugono. Toro toonyuge kevu kworekul kuruv neya donuguro'mwonyumwalogaulo. Kuudo neya jaullulo. Ipilo pwol ikavlo toollu muumgu'mo'no'ji tov ikulsulo ku'nono mai'nonekono. Su toro to'busuko kubalno kevu numi manumgu'mo'nupi tov ikulsulo ku'nono mai'numwalpinorekikono.

Kevu mi nuguro'mwonyugovlavopi aki moro yogalo ton kemi aulaikworo'ji tov kevu moro Nyunumiyago toollu buro'nyo buro'nyo tonyuno kuudoganpi tov kuvino nekullumo'nonokwono.

Kevu mi miyenyubworonumaroporekikono. Toro kuvi kuruv nuvno'gwowi kemi yenyubworekumarono me'no ajaikubweyorekikono. Toro ajaikubweyo su tov kevu plavopi moro womdo tovi imwalpino'moneyokweyokwono. Aki moro womdo su tovi amjumovlapi tovi'aro ikulsulo yiunokuudo mujo'movlaiyo'moneyokwe tollovo neya de'nogaulo. Su tov aro tovinokwono. Kevu moro Nyunumiyago toollu mino yovo tovida'ai buro'nyo buro'nyo tonyuno kuudoganpi tov kuvinono nomollumo'nekubweyabwonekono.

A'mwo pwol gami ibwoto'nyo tobuuraino kalo buuropino winowo'ji su tobuuravuro aiko toru mallo'moneyokwe nokwo bolonekono. Toro abolo'ji su toolluro pasudo tov yiuwi'nokai kalo buuropino pasudo punyu nuuwolowonokwono.

Toro tool moro ipilo pun ikulsulo mai'nodopudo tonyu modovodukwopiyodowodekono. Aki ipilo pun ikulsulo ki'nodupudo su tonyuno'gwowi guureji pugai'aro ki'nugovlapino'moneyokwe ku'mowopiyodowodekono.

Moro loowo aikullamo tov arokwono. Nuu kemino kalo buuropino nyunodowodo to'busuko kubalno kev kworekul kuruv kemida'ai yiuwi'nokai pwolno pwolnodo toorekulluno kalo buuropino neya domollogaulo.

Kevu ikulsulo bwotonyago ai'nugovlapi tovi'aro moro Nyunumiyago tool yovo aguto maronekono. Aki ikulsulo bwotonyago ai'nugovlapi su toorekul aro tovino kuu'maiyo wuuduuwallumwalpinorekikono. Kevu moro nuumjunyokwe kuunodorekikono. Toro tovino wuuduuwallumwalpinorekikono.

Aki Jisasol gami uumjunyokwe toorai aro kuudokaikono. “Nuu iko wain kuunodo toonyugono. Aki moro Nyunumiyago tool wain womdo tovi mollomwalokwe tookono.

A'mwo pwol numi manuguro'mwonyugovlawo'ji tool ipilo modovodukwopiyodupudo to'busuko imo'nonekono. Ipilo buukuropiyodupudo su tooro yiuno duko tovi iroudapiyo'moneyokwerogano.

Moro yogalo aikudumwako akav aro tovinokwono. Moro poowokalago tokwe ilaiyo ibwosunodumdo tov kemoro poowokalago kunyu kuruv aval'no aulaikworoneyokweyo'mo tovinokwono. Aki ilaiyo ibwosunyo'mo su tov kemoro poowokalago tonyu yiunokuudo kuullo'movaikwopimwalonokwono.

Kuudo neya jaullulo. Nuu mi Nyunumiyago toolluro loowo tonyu uumjunodumdo toonyu kwollu me'no uuguro'mwonyodumdonyugono. Toro toonyu gamoro kalo buuropino tovi anakuuto tomuu mujomwekovla'mdumdonyugono. Toro to'busuko kubalno kevu moro loowo daikullodumdo tonyu kuumjunpi toga mi kuvinono nonuguro'mwonyumwalpinorekikono. Toro toorekul moro kalo buuropino tovi anakuuto tomuu nomjomwekovla'mwalpinorekikono.

Kevu kemida'ai pwolno pwolnodo toolluno kalo buuropino neya winmwalpino'moneyokwe loowo su tov adaikullumono.” Kuudokaikono.

A'mwo abolo kwako akavi mwalodupudo ton kevnokwenyuro a'mwo abolo punyuno kalo buuropino winodupudogano. Kevno'gwowi kwako akavida'aiyorekulmaiyo. Toro toorekulluno tov a'mwo abolo kwako akavi mwalodupudo su ton kemino kalo buuropino mwinmwalpinogano. Nuu a'mwo abolo kwako akavi mwalodupudo su tonyuro anakuuto tomuuda'ai bolokwiyo'moneyokwe kemi me'no ajaikubweyorekikono. Toro toorekulluno tov kwako akavi mwalodupudo su ton kemino surodo wuunodupudogano.