Popular Bible Verses from Mak 9

Share

Toro kuudoka toollu Jisasol kuudokaikono. “Gumoro aro anyudumodo tov, “Nokwo'mekuno'juki,” anyudumodo su tov buro'nyo'mo'mdeyo. Guu aro tovino'gwowi kuudo neya jaurono. A'mwo Gooti toollu kuudo kuubweyo'ji tool buro'nyo buro'nyodeyo pun imokwe kuudo sauro'ji tov nokwo'mekono.” Kuudokaikono.

Jisasol toro kuudoka kuga'gwo kuuno kwolaiyo toolluro ganumiyago tool kuudokaikono. “Nuu kuudo nogubwemono. Toro kuvi kuruv moro kuudo magubwemwako punyuno'gwowi donyo'mwojonoo!” Kuudokaikono.

Toruda'ai Jisasol ago puvi aulokaikono. Toro kuulno sumaiyokwe yiuno gami uumjunyokwe toorogai aulomwaloporogano. Toro aulomwalopo yiulo su tomuu gamoro uumjunyokwe tooro aro kuudoganoporogano. “Nevu kuullo ma'no ma'nodo toollu mamodovomjapimawo tov burowo'nyo kavlo tovino'mdeyo?” Kuudoganoporogano. Toro kuudoganopo toorai Jisasol aro kuudokaikono. “Kuullo ma'no ma'nodo su toro toorai yasuwa'no mamodovomjapipinorekikono. Toro kworekul kuruv yiuno subusu'nyogalo me'no adupi toga'no'gwowi kuullo ma'no ma'nodo su tooro yowa'no bolokuumwalpinorogano.” Kuudokaikono.

Toro wuujuno sumaiyokwe kuudokaikono. “Soore tov sugudokwono. Toro kuvi kuruv gamoro wuullo tov aduuwiyopiyo'ji to'gwowi wuullo su tovi adadomgu'aro aki aiko te molludo'bino'mdeyo? Awiyo, ku'nono mamolludo'binokwono. Toro te kevu soore wuullokwe to'busuko jumo'nogaulo. Toro sumo'nupi toga a'mwo abolo togai kemoro sumwoluko tov aval'no wosopi kaveno mujomwekovla'mwalpinorekikono.” Kuudokaikono.

“A'mwo pwol kwoloraiyo aka'busuko puruvi mino yovo tovida'ai ilaiyo amollomaro'ji tov nuu kwonyuda'ai ilaiyo amollunuma'mwallo. Aki tokwe'aro a'mwo pwol mi ilaiyo amollunumaro'ji tool mi kwolomoronuwopiyaboka kwolluda'ai ilaiyo amolloma'mwallo.” Kuudokaikono.

Nebal'no ikudumo'mokwono. Lukomgu a'mwo pwol kemi ikwonowo'ji aro aikudo'ji tov, “Oo Krais toollu uumjunyokwe toorodeyo,” toro ikudowo'ji kuuleyaluko'mo yodopure toorekullu kapwo wonyo puruv aikulluro'ji tov a'mwo su toolluro mubiyo sugudo tov lukomgu Gooti tool nuuwiyonekono. Toro tool kuvinono nomaronekono.” Kuudokaikono.

Jisasol toro wuujuno sumaiyokwe aki aro kuudokaikono. “A'mwo pwol kwoloraiyo mino kuudo anubwemwakopo akabuurai ma'no ma'no ipino'moneyokwe tovino amollubworomokavlawo'ji su toollu jul'nyo bwotonyo nomaronekono.” Su tov yovekurajo aro to'busukokwono. “A'mwo kaiya'no amollubworomokavlawo'ji su toollu a'mwo pworo gamoro boruko tovi sulo bwotonyo pweke galogullosopi wonyo buugo tovi wolomogalowopiyapinekono. Su tov jul'nyo bwotonyokwono. Toro kuvi kuruv a'mwo pwol kwoloraiyo tobuurai kaiya'nodo tomgu'aro amollubworomokavlawo'ji su toollu Gooti toolluro jul'nyo kuubweyo'ji to'gwowi bwotonyo kuunodokwono.”

Aki puruv aro kuudokaikono. “Guu, Du'muudo maduuwiyopiyodowodo tovi novla'miyo, adubi tooku gumoro sumdo puruv ma'no ma'no yo'mo tovi ame'nogumokwo'ji tov dogalowojopiyono. Toro tooku sumnowojokwe sumo'nubi kweku kuruv aguto kig Gooti toolluro mido mollomwalo tovi kuulomwallo'mo tov ilaiyokwono. Guu sumdo puruvalokwe tooku ma'no ma'nodo tov kuuno gwo'dowo'jure tookuno'gwowi du'muudo maduuwiyopiyodowodo tovi novla'biyo.