Popular Bible Verses from Mak 10

Share

Toro wuujuno sumaiyokwe kuudokaikono. “Nuu A'mwo Kwolaiyo Kuunodo kwonyu kuruv mino womdo anyupureyokweyo'mo abonyumaiyo. Toro kuvi kuruv nuu a'mwo abolo tonyu wiyo'mwojo'moneyokwe womdo yo'mo abonyugono. Toro toonyu a'mwo abolo bwotonyago tonyu mubiyo biyomallo'moneyokwe tovino bollo'mo abonyugono.” Kuudokaikono.

Jisasol toro toorai moroono'no aro kuudokaikono. “Su tovi yo'mo tov a'mwo tooro ku'nono mipinokwono. Toro kuvi kuruv Gooti toolno'gwowi su tovi yo'mo tov nokwo'mekono. Su tov aro tovinokwono. Gooti tool yiuwi'nokai noonyumwonyu pun yo'mo kuudo sauro'ji kuruv kaveno yonekono.” Kuudokaikono.

Toro kuudoka toollu Jisasol kuudokaikono. “Guu kuudo anubwemwakudo tovino tov agujukulmono. Toro tooku nokwo wanbinekugono.” Toro kuudoka kuga'gwo kuuno a'mwo sumnowojokwe tool sumdo kino'no puuto tovi Jisasollu kuumjunokaikono.

Aki Gooti toolluro amoguro'mwojoso'ji su tovallu a'mwo pwol nomoru'mdowapiyo'jo.” Kuudokaikono.

Jisasol toro toollu wonyuno sumaiyokwe kalo buuropino wino'no aro kuudokaikono. “Guu puvino supto kuuno sadokuuno. Mi neya donumjunono. Guu numjunyo'moneyokwe tooku aro ibinekugono. Guu a'mwo pworaiyomno plavo'bi gumoro yiuwi'nokai kuto ivito tonyu agubipuro. Toro agubipi tonyuda'ai nuugwiyo tov maro'bi a'mwo apoo'nyaiyo tekwojai wiyo'bi mi neya donumjunono. Toro subi tooku Gooti toolluro ago muunyu kai'muu mubiyo sugudo tollovo noma'binekugono.” Kuudokaikono.

Toro aboka toollu Jisasol kuudokaikono. “Nuu gumi buro'nyo gujumo'mo dogujunadopiyo?” Toro kuudoka tool kuudokaikono. “Ibwasokweyoloo, Nuu sumdo kinumo'mo anyunadopiyo.” Kuudokaikono.

Toro yodupudo kuvi kuruv kevno'gwowi su toorobusuko mimo'nupinono. Kemoro tovida'ai pwol a'mwo aguto imo'nyo'mo kwino'ji tool kemi womdokwe pwolbusuko neya aikullumo'nono.

Nuvu nebal'no ikudumo'mokwono. Kwoloraiyo ton aguto kig Gooti toolluro mido mollomwalodowodo tovi ilaiyo molloma'dupudo kubalno kev kugaikul kuruv aval'no neya domollomarogaulo. Toro kuvi kuruv a'mwo pwol aguto kig Gooti toolluro mido mollomwalodowodo tovi kwoloraiyo tonbusuko ilaiyo mamollomaro'ji toolno'gwowi ku'nono maulomwalonekono.” Kuudokaikono.

Su toro toga, agasuro sumdomgu abillumo'numwolapo tooravuro bwotonyago tooro aiyowo'mo bwollumo'napinorogano. Aki agasuro aiyowo'mo abwollumo'numwolapo toorono'gwowi su toga sumdomgu nobillumo'napinorogano.” Jisasol toro kuudokaikono.

Toro kuvi kuruv muudu'nodo toga'no'gwowi Gooti tool yiuwi'nokai tonyu yakwollo'no yiuno a'mwo tookeno abolo tokweno sokwollosokaikono. Toro sakwollungiko tovino tov a'mwo pwol gami ganeyago tokwe ganumiyago tooke tovallu wuugollu'mowo'ji gami abolo tov amaro'ji toga guro'mwonyubullunovakono. Toro aguro'mwonyubullu toga go'no go'no mamjomwekovla'bullunovakono. Toro toval kulako yiuno puru'mono imo'nubullunovakono.