Popular Bible Verses from Mak 11

Share

Toro te nuu aro ikudumo'mokwono. Kevu subusu'nyogalo tov, Kuvinono anyumo'nonoo, kuudo yauropi adupi tov kuvinono ikullumo'nonokwono.” Kuudokaikono.

Nuu nebal'no ikudumo'monyugono. A'mwo pwol Gooti toolluno kuudo kuubweyo'ji tool gami poowokalago tovi kuudo noullo maullo nyauro'jo. Toro kwol kuruv, Oo kuvinono imo'nono'mdeyo, kuudo sauro'ji to'gwowi Gooti tool kuvinono yonekono. Toro te a'mwo Gooti toolluno kuudo kuubweyo'ji su tool muumuudo pwollu kuudo'ji tov, “Ilojo'mowopiyabo'bi soolwaravi dooluvollunawonoo,” kuudo'ji tov kuvinono imo'nonokwono.

“Aki kevu subusu'nyogalo wuujo'mo toorekul sulodapi toga a'mwo pwolluro ma'no ma'no aikullo'ji tovuro kirumwallo tov neya domoruudukwopiyogaulo. Toro amoruudukwopipi tov kemi Tellunumiyago muunyu kai'muu amwalluko kwol kuruv kemoro ma'no ma'nodo tovuro kirumwallo tovi nomaikudukwopiyonekono.”

Pital toro wuujuno sumaiyokwe Jisasol aro kuudokaikono. “Kevu kemoro kuudo tov Gooti toolluno duubweyulo.

Toro ino sumaiyokwe toga aro sodubwasokaikono. “Gooti toolluro kuuguudo tovi aro sakwollungikokwono. “Moro ago tov yiuwi'nokai a'mwo bomwallo tooro subusu'nyogalo jo'moneyokwe agokwono. Adupuro.” Toro sakwollungiko kuvi kuruv aga'no'gwowi a'mwo kuukokwe tooravuro yiulo kuupuu'na'dupudo ago to'busuko aikullumo'nadopiyo.” Kuudokaikono.

Toro ino sumaveyokwe Jisasol puuto tovi nouloduke toollu pun sumdomgu pun lukomgu deko aro aduumjunopogano. “Anekullo'mwojonoo, ilaiyokwono. Gooti toolluro sugumaluko to'no kwosungiko akallu amonekwopiyabokaikono. Toro tool Aguto toolluro yovo tovida'ai abumokaikono. Ilaiyokwono.

Nemi nellukweyago aguto kig Devitolluro mido amollomwallajuko to'busuko kubalno aga kuga kuruv aki aiko te boneki'mowono'mo sadopiyo. Toro te Gooti tool gamoro sugumaluko tov kuubwemaiyo. Ilaiyokwono. Muunyu kai'muuda'ai tool anekullo'mwojonoo!” Jisasollu ilaiyo mollomallo'mo ton toro aduumjunopogano.