Popular Bible Verses from Hidingoto 4

Share

Ho ka Una dika abe ka idadi waduhunu o nyawa manga howo-howonino! Angamoi o romanga utu duru ko iwa abe ngaro o dunia ma amokika holingiri masara ko hamakeua o romanga utu abe o nyawa ka idadi yomagahoko de yamake o duduhunu enangino!”

De yomaniata ibooto de ahao abe manga doomu ma tau gea ihigiwi-giwi, de ona mata-mata yalufungu de Ma Jou o Womaha. De ipahaino de ona ihiabari Ma Jou ai ade-ade duru de manga domoroinoka!

De naa, mia Baluhu idodutu, mimagahoko la Ngona ufa nanoaika dika to ona manga dodaere ma demo abe imitaeroka ngomino. La ngaro hokokia dika imitaere masara ngomi naa abe midadioka ani duduhunu ka idadi mitomoroini dika la mihiabari de mia domoroinoka ma amoko o nyawaika.

Angamoi abe ma dihiraino de Ma Jou ai Demo-demoka itemo ato, ‘De naga moi o hakaru abe aolukoka o tau yotobadodiai, de masara ngaro ona yaolukoka, masara duru ma hakaru gea ahao idadioka o tau ma lifunu,’ de gea ma demoino de ihidumutu o Yesusika.

De ahao manga hihira ma doomu gea ona duru yoheranga ma titi o Peturusu de o Yohanese manga domoroini abe manga demoino, angamoi yahioriki abe ona yahinooto ka o nyawa biaha dika abe ko yohakolaua. De ahao yongano-nganono abe ma titi ona yahinooto nengokadauino de ka ihikaika yomakiniiki de o Yesusu.

De ma oraha gea de ona mata-mata iwingaku-ngakuoka o Yesusika duru yomaketehiningamoi. De ona homoi-homoi yamao abe manga kiahonanga gea ko to onangua dika masara to manga doomu manga kiahonanga, ho yahikeregu mata-mataika.