Popular Bible Verses from Nai Vakatekivu 26

Share

mo tiko vulagi ga e na vanua o qo, ia kaʼu na tiko kei iko, ka vakalougatataki iko: niʼu na solia vei iko, kei ira na nomu kawa, na veivanua kecega o qo; ia kaʼu na vakataudeitaka na vosa vavakini kaʼu a kitaka vei Eparaama na tamamu

ia kaʼu na vakalevutaka na nomu kawa me ra vaka na kalokalo kei lomalagi, ka solia talega na veivanua kecega o qo vei ira na nomu kawa; ena kalougata talega na veimatanitu kecega e vuravura e na nomu kawa; e na vuku ni sa vakarorogo ki domoqu ko Eparaama, ka vakabauta na ka kaʼu a lesia, na noqu vunau, na noqui lesi-lesi, kei na noqui vakaro.

A sa toki maikea, ka kelia e dua tale nai keli-wai; a ra sa sega ni veileti e na vukuna: a sa kaciva ko koya na yacana ko Reopoci [Lalaga]; ni sa kaya, Sa qai vakalalaga-taki keda ko Jiova, ia eda na qai luvea e na vanua o qo.

A sa rairai vua ko Jiova, ka kaya, Mo kakua ni lako sobu ki Ijipita; mo tikotiko ga e na vanua kaʼu a vosa kina vei iko

A sa cakava maikea e dua nai cabocabo-ni-soro, ka masuta na yaca i Jiova, a sa birika maikea na nona vale gatu: a ra sa kelia maikea e dua nai keli-wai na tamata i Aisake.