Popular Bible Verses from UDuteronomi 30

Share

Ngibiza izulu nomhlaba ukuba kufakaze ngani namuhla ukuthi ngibeke phambi kwenu ukuphila nokufa, isibusiso nesiqalekiso; khethani ukuphila, ukuze niphile wena nenzalo yakho. Ukuze umthande uJehova uNkulunkulu wakho, ulalele izwi lakhe, unamathele kuye, ngokuba ungukuphila kwenu nobude bezinsuku zenu, ukuze nihlale ezweni uJehova alifungela lona. Oyihlo, o-Abrahama, no-Isaka, noJakobe, ukubanika bona.

Ngokuba ngiyakuyala namuhla ukuba nithande uJehova uNkulunkulu wenu, nihambe ezindleleni zakhe, nigcine imiyalo yakhe, nezimiso zakhe, nezahlulelo zakhe, ukuze niphile, nande; uJehova uNkulunkulu wakho uyakukubusisa ezweni oya kulo ukulidla.

Bheka, ngibekile namuhla phambi kwakho ukuphila nokuhle, nokufa nokubi

Kodwa izwi liseduze kakhulu nawe, emlonyeni wakho nasenhliziyweni yakho ukuba ulenze.

UJehova uNkulunkulu wakho uyakusoka inhliziyo yakho nenhliziyo yenzalo yakho ukuba uthande uJehova uNkulunkulu wakho ngayo yonke inhliziyo yakho nangawo wonke umphefumulo wakho, ukuze uphile.

UJehova uNkulunkulu wakho uyakukukwandisa kuwo wonke umsebenzi wesandla sakho, esithelweni sesisu sakho, nasesithelweni sezinkomo zakho, nasesithelweni sezwe lakho, kube kuhle; ngokuba uJehova uyakubuye ajabule ngawe. Kube kuhle, njengalokho wajabula ngoyihlo.

Kepha uma inhliziyo yakho iphambuka, ungalaleli, udonswe, ukhonze abanye onkulunkulu, ubakhonze; Ngiyanitshela namuhla ukuthi niyakubhubha nokubhubha, futhi aniyikuzandisa izinsuku zenu ezweni enawela iJordani ukuyolidla.

Ngoba lo myalo engikuyala ngawo namuhla awufihlekile kuwe, futhi awukude.

Kakukho ezulwini ukuthi ungatsho ukuthi: Ngubani ozasenyukela ezulwini asilethele lona, ukuze sizwe, sikwenze?

Futhi awuphesheya kolwandle ukuba nithi: ‘Ngubani oyakusiwela ulwandle asilethele wona, ukuze siwuzwe, siwenze, na?’