Popular Bible Verses from JĔNISIS 1

Share

Ka Anyambě a vâ na, Ho velakě moto wa egâlan‘ ahu, a kwanakě hwě: na bâ ba ka pangakia bejaka bia manga, na lonâni la oba, na bembe, na he yěhěpi, na elombo elandakě o he yěhěpi. Nonaně nd‘ o Anyambě a velakidi moto na egâlan‘ aju, egâlani ya Anyambě nd‘ eaju e velaki mâ; a velaki bâ momo na mwajo.

Ka Anyambě a vambia bâ ibâtâ, ka Anyambě a vâ na bâ na, Janakani, n‘ inyěni o ka vuhakani, wa londani o he, n‘ inyěni wa baliyâni: o ka pangakia bejaka bia manga, na lonâni la oba, na elombo e di mihâ e landakě o he yěhěpi.

O jali ka Anyambě a vela oba na he.

He yu diaka n‘ uvela, e diakindi naně; ivitit‘ i diakind‘ o boho bwa ndiba. Ka Ilina ja Anyambě ja muwa oba ya miba.

¶ Ka Anyambě a vâ na, Bwe e diakě: na bwe na diaka.

Ka Anyambě a yěně elombo aju e velakidi yěhěpi, na umbwakia, ejadi bwam mětě. Ka kolo n‘ ubwa bia dia o buhwa bw‘ utoba.

Ka Anyambě a yěně bwe, na e ndi bwam: na Anyambě na palwakidě bwe o ivitit‘.

¶ Ka Anyambě a vâ na, Umbwakia, mbi věndi nyěni behavu běhěpi bejaki ibângâ, bejadi o boho bwa he yěhěpi, na ele yěhěpi, ejadi na ebuma ya ele e lângâkě ibângâ; e ka dii beja o nyěni o jadi

Ka Anyambě a tuba bwe na mwehe, ka mwa tuba ivitit‘ na bulu. Ka kolo n‘ ubwa bia dia buhwa bwa boho.

¶ Ka Anyambě a vâ na, Njanjo e diakě o hanganě ya miba, na yâ e ka palwakidě miba na miba.

Na tito ya he yěhěpi, na lonâni la oba lěhěpi, na elombo e landakě o he yěhěpi, ejadi na eměnâ, nd‘ ibiamě be vědi behavu bia bobehu biěhěpi bia beja: ka yâ ya dia nonaně.

¶ Ka Anyambě a vâ na, Bwe e diakě o njanjo ya oba i ka paludě mwehe na bulu; na jâ i kadiaka ndembo, na begombe, na hwi, na mepuma

Ka Anyambě a vâ na, ‘He e pumakě mbusanga, na behavu be ka lângâkâ ibângâ, na ele ya bebuma e ka lângâkâ bebuma bia jângâ jaju, ibângâ i na yâ mětě, o he: ka yâ ya dia nonaně.

Ka Anyambě a vela njanjo, ka mwa paludě miba ma diakidi ibomako ja njanjo na ma diakidi oba ya njanjo: ka yâ ya dia nonaně.

Ka he ya puma mbusanga, na behavu be lângâkâ ibângâ ja jângâ jaju, na ele e lângâkâ bebuma, ibângâ jaju i diakite na yâ mětě, ya jângâ jaju: ka Anyambě a yěně na e bwam.

Ka Anyambě a vela bwe iněně ibalě; bwe eněně e pangakiě mwehe, na bwe ehâlě e pangakiě bulu: ka mwa vela tepě nyětět‘.

¶ Ka Anyambě a vâ na, Miba majadi ibomako ja oba ma yolanakě iboko viâkâ, ya yahe yahe ya puma: ka yâ ya dia nonaně. Ka Anyambě a vangidě yahe yahe na He; ka mwa vangidě iyolaně ja miba na Manga: ka Anyambě a yěně na e bwam.

Ka Anyambě a vambia biâ ibâtâ na, Janakani, n‘ inyěni o ka vuhakani, n‘ inyěni o ka londaki miba ma manga, na lonâni lo ka vuhaka o he.

¶ Ka Anyambě a vâ na, He e běkěkidě elombo ya mihâ ya jângâ jaju, bembe, na elombo e landakě, na tito ya he ya jângâ jaju: ka yâ ya dia nonaně.

¶ Ka Anyambě a vâ na, Miba ma běkěkidě beitě be ninganakě be di na beměnâ, na lonâni lo věvěkě oba ya he o bwe ya njanjo ya oba.

Ka Anyambě a vela tito ja he ya jângâ jaju, na bembe bia jângâ jabu, na elombo yěhěpi e landakě o he ya jângâ jaju: ka Anyambě a yěně na e bwam.