Popular Bible Verses from Jěnisis 12

Share

Mbi ka pangand‘ âvě etomba eněně, n‘ Umba‐Mbi ka vambiyand‘ âvě ibâtâ, n‘ Umba‐Mbi ka pangi dina jâvě i kenaka; na nâvě wa diya ibâtâ. Mbi ka vambiyandi ba vambaki âvě ibâtâ ibâtâ; na a hâkâkě âvě ndi uamě a ka hâkě: o âvě o jadi nd‘ o makaka ma he měhěpi ma ka vambudwě ibâtâ.

Ka Jěhova a vâ na Ebream, na, Věngěměkě o ehe ’âvě, na o etâkâ ’âvě, na o ndabo ya hângwě, na ’la o ehe ’amě e ka levid‘ âvě.

Nonaně nd‘ o Ebream a kěkidi, pani‐ka Jěhova a kalaki na ju; ka Lât a vala na ju: Ebream a diyakindi mabo ma mepuma hěmbwědi na mepuma metano utodu o mâ‐a věngěměkid o Keran.

Ka Jěhova a pumiya o Ebream a jadi, ka Mâ‐a vâ, na, O ibângâ jâvě ndi ijamě i ka věyě ehe těkae. Ka mâ‐a longiya Jěhova e pumakiyi mâ âltar.