Popular Bible Verses from Jěnisis 11

Share

Ka Jěhova a vâ, na, Umbwakiyate, bato ba te umbâkâ, na bâ běhěpi ba te ’tomba yâkâ; na ekae ndi eabu e yalidě o ha; o ’bě na elombo e ka himbidě bâ nyang‘ ’abu e vahakě o ha. Okani, ho hubakeni ka jukě ukalo muabu, ovaně nd‘ o bâ‐ba ka měndě bà yokane pě ukalo.

Ka bâ‐ba vâ, na, Okani, ho longakiyeni hwě mětě mboka eněně, na elongo ya hâkâ ’aju e didi e kâbâkidě oba, na hwě‐hwa ha hwě dina, o banga hwa vanjangana o ibati ja he yěhěpi.

Ovaně nd‘ o dina jaju i tubakwě, na, Bebal; ikabojana omě nd‘ o Jěhova a jukakidě ukalo mua he yěhěpi: ka oviya omě Jěhova a vanjanganě bâ o boho bwa he bwěhěpi.

He yěhěpi e diyakite etomba yâkâ, n‘ ukalo umbâkâ.

Ka Jěhova a huba ka yěně mboka tě eněně, na elongo tě ya bana ba bato e longakidi.

Ka Jěhova a vanjanganě bâ oviya omě, o boho bwa he bwěhěpi; ka bâ‐ba dika ilonga ja mboka tě eněně.