Popular Bible Verses from लुका 19

Share

का द्‌याङको चान राम्‍कालाइहेङ दोङ भोलि रो बान्‍चिपालि दोअ्‌तेङ लोका हिघा।”

“प्रभु परमेस्‍वरको मिङता लोका राजा हेथे सहसाम्‍पा निङका हि! सादेलता सुबिस्‍ता ज्‍याको! परमेस्‍वरहेङ प्रताप ज्‍याको!”

इसु वासेहेङ दोअ्‌हि, “नानि इदोइ साअ्‌को द्‌याङगेलाइ छुटकारा निङकाहि। हाइ जखायस बुङ आब्राहामको सन्‍तान माको कुनु?

इङको थामेता थुकालि लोलाउ वा सिङ र्‍हुता खाङतेङ जखायसहेङ दोअ्‌हि, “ओइ जखायस, मार्फा लेता खुतेङ लो! नानि कासेहेङ नाङको साअ्‌ता बासा हिलि हानेलि गोइका हि।” इङको हिङतेङ जखायस मा मार्फा लेता खुअ्‌हि रो लेङचातेङ इसुहेङ ताइ साअ्‌ता चुमपुहि।

कालाउ जखायस प्रभुको आगाता जाअ्‌तेङ दोअ्‌हि, “प्रभु, काङकोदोफा हिका ताका काउरिको आधे भाग मान्‍थुकालाइहेङ बाखाराइ प्‍याङका। कालाउ हासुदोफा बुङ धाताइतेङ हेन्‍जा ल्‍होपाका हिघा पानु का इङकोको द्‌या गुना घुरिपाप्‍याङका।”

कालाउ इन्‍ता द्‌याङगेलाइको माझासो फरिसिगेलाइता एमि न्‍हेमि इसुहेङ दोअ्‌हि, “मास्‍टर, नाङको चात्‍यागेलाइहेङ सिकापा हिलि दोअ्।” इसु एम्‍बालाइहेङ दोअ्‌हि, “का नेलाइहेङ दोअ्‌खा, एबालाइ सिकापा हिनु ते इताको उन्‍ठुइगेलाइ बुङ र्‍हिकाइलि तेनावा।”