Popular Bible Verses from मर्कूस 2

Share

थेबेकी थोक सिरजीन येशूकी थेबाला “नाबाते मिओनलाका डाक्‍टर गोक्‍यो, सन्‍चाराङ ओत्‍कानलाका च्‍यि डाक्‍टर गोकीतेरो? थोगी ङाङ पापीओनला परमेश्‍वर छ्य्‌वापा लै खि सिराला वाबाते ईन। धर्मतीते मिओनला दोक खि सिराला वाबाते मेन,” सिन सिदुक।

थेकी ठाक्‍पा खिता थुप्‍क्‍यो सिन थेबेकी थे खोरोङला थोक विश्‍वास खाबा थोङगीन थेकी थे कुज्‍येला “फुज्‍यो, ङे खुई खाबाते पाप गाङे माफ खाबान,” सिन सिदुक।

थोक साकीन च्‍याकीन थेकी थेबाला “मिओनला लेमु ओङस्‍यीत सिन परमेश्‍वरगी सन्‍चारी छोमु छुट्टी माने खि सिन साबाते ईन। दि खि, थे माकेत सिन दुक्‍पा तेराला छुट्टी माने खि सिन साबाते मेन।

थेरू मि घुइँचो ओतेकी थेबेकी थेला खाम्‍बे नाङने येशू दोन्‍दु केला मुथुप्‍च्‍या थोङसुङ। थोगी थेबेकी फिनामेई टापाक लाकने जेकीन च्‍याकीन खाम्‍बे छानु टिक्‍पीस्‍यिक स्‍युकीन स्‍यूक्‍च्‍येते ठाउँ जोसुङ। थेमे होथेरूईराङ खाईन मालज्‍यामताङराङ थेला थे दोन्‍दु पाप्‍सुङ।

परमेश्‍वर ओत्‍सादुई वाबाते मि ङात्ताङ मिओन पाप माफ खित्‍च्‍येते अधिकार ओत सिन था ङा ख्‍योकोनला कामगीराङ खाला तेन्‍दामीन,” सिनकामा थेकी थे कुज्‍येला “लो खोक ल्‍वा थेमे खोरोङ खोन्‍च्‍या दिङच्‍या खुरला खाँपा ग्‍युक,” सिन सिदुक।

ङे दि मि पाप माफ खाबान सिरजीन ख्‍योकोनला ङे खेकीकामा दोक साबाच्‍योक ओङसुङ मेन? ङे दिला लाला च्‍याला खोन्‍च्‍या दिङच्‍या खुरला ख्‍याम ज्‍युताचेन मुथुबो साबाप?

थेकी थोक सानामेकी गाङेकी थोङच्‍या खाईन थे कुज्‍ये खोक लासुङ। थेमे थे खोरोङ खोन्‍च्‍या दिङच्‍या खुरगीन खाम्‍बापा गाल्‍सुङ। थोक ओङा थोङनामेई मि गाङेराङ छक्‍क परे खिन “आबिई, दोक्‍ते अचम्‍बते कामनी थातासाक ङुरूङगी नोमुङ थोङा मेतान,” सिन परमेश्‍वरते जय जय खासुङ।