Popular Bible Verses from मर्कूस 4

Share

थेमे खोक लाकीन येशूकी ल्‍हाबाताङ समुन्‍द्रे छालला “गोगे देत,” सिन सिदुक। थेकी थोक सानामेई ल्‍हाबा चले खिता ताङसुङ, समुन्‍द्रे छालोङ तोरसुङ। थेमे थेकी चेलातेबाला “ख्‍योकोन च्‍यिला दोक ज्‍यीबा खिन आते खाबे? ङे ख्‍योकोनला जोए खिता थुप्‍क्‍यो सिन ख्‍योकोनगी ङाला विश्‍वास खाबाते खोइ?” सिन सिदुक।

थेकी थोक खाबा थोङगीन आउदी खाला आते खिन चेलातेबेकी “आबिई, दि मि चुक अचम्‍बज्‍यीक ईन्‍दाका। दिकी कोतातेनी ल्‍हाबाताङ समुन्‍द्रे छालगी समेदोङ ङेन्‍गीदुक,” सिन सासुङ।

येशूचेन डुङ्गे छेउदु ङास्‍यिङ ज्‍यागीन ङिक गाला ओतान। डुङ्गा नुपा खाबेकी आते खिन चेलातेबेकी थेला ङिक चेत्‍कीनकामा “ए गुरू, लो तो, डुङ्गा नुपा खाईन सिन्‍सुङ। ङ्योकोन स्‍यिसीनोङ माताच्‍याना च्‍यिन्‍दे?” सिन छेरा खासुङ।

थोरूमोङ बात खिन थेकी “ङे लोप्‍च्‍येते बात लेमु खाला ङेन्‍ला च्‍यि साबाते ईन्‍ताका सिन छ्या स्‍येबा खि। ख्‍योकोनगी परमेश्‍वर बात चुक खाला ङेन्‍गीका थे ताला परमेश्‍वरगी काम खिओ। थे बात लेमु खाला ङेन्‍कान्‍ते मिकी थे बात खोकीन डुइओ। परमेश्‍वरगी थोक्‍ते मिला थे खोरोङ बात झन लेमु खाला खो ज्‍युत्‍क्‍यो।

याङराङ येशूकी थेबाला “परमेश्‍वर राज्‍य बातचेन सुइँदा स्‍यीङगी धनीकी तापाते सोनगी बात च्‍योक ईन। थेकी स्‍यीङदु सोन देप्‍क्‍यो। सोन ताप्‍नामेकी था नाम केइताका, चुक ओङगीताका सिन थे थेरूराङ गुला मेदेदो। थे खाँपा गाल्‍ला सधैँ च्‍योकराङ ङ्याल्‍ग्‍यो, लाङगो थेमे ज्‍येनोङ काम खिओ। सोनचेन केलाङ छारग्‍यो। ईन्‍सीनोङ दि चुक खाला केला छारगीते सिरच्‍येते बात थे मिला छ्याःङ छ्या मेङगो।

ङेन्‍दा सेम ओत्‍कान्‍ते मिकी दि बातओन लेमु खाला ङेन,” सिन सिदुक।