Popular Bible Verses from متّی 7

Share

منگسو تاں تُہاکُوں ڈِتا ویسی۔ گولھیسو تاں مِلسی۔ دَر کھڑکیسو تاں تُہاڈے کیتے کھولیا ویسی۔

کیوں جو جیہڑا منگدے اُونکُوں مِلدے، جیہڑا گولھیندے او پیندے تے جیہڑا کھڑکیندے اُوندے کیتے کھولیا ویندے۔

اِیں واسطے جیہڑا کوئی میڈے ایہ گالھیں سُنڑدے تے اُنہاں اُتے عمل کریندے او اُوں عقلمند بندہ وانگُوں ہوسی جئیں آپنڑاں گھر چٹان اُتے بنڑایا۔

بس جِینویں تُساں چاہندے ہیوے جو لوک تُہاڈے نال کرݨ تُساں وی اُنہاں نال اُونویں ای کرو، کیوں جو توریت تے نبیاں دی تعلیم اِیہو ہے۔

کیوں جو او دروازہ تنگ ہے تے او رستہ سُکڑا ہے جیہڑا زندگی آلے پاسے گِھن ویندے تے اُوں تُوں داخل تھیوݨ آلے تھوڑے ہِن۔

تنگ دروازے کنُوں داخل تھیؤ۔ پر او دروازہ وڈا تے او رستہ کُھلا ہے جیہڑا تباہی آلے پاسے گِھن ویندے تے اُوندے ءچوں داخل تھیوݨ آلے بہُوں ہِن۔

جِیں ویلے تُساں بُرے ہووݨ دے باوجود آپنڑے بالاں کُوں چنگیاں چیزاں ڈیوݨ جانڑدے ہیوے تاں تُہاڈا اسمانی باپ، آپنڑے منگنڑ آلیاں کُوں چنگیاں چیزاں کیوں نہ ڈیسی؟

”عیب جوئی نہ کرو تُہاڈی وی عیب جوئی نہ کیتی ویسی۔ کیوں جو جِینویں تُساں عیب جوئی کریندے ہیوے اُونویں ای تُہاڈی وی عیب جوئی کیتی ویسی، تے جیہڑے تھاں نال تُساں نپیندے ہیوے اُوندے نال ای تُہاڈے کیتے ناپیا ویسی۔

تے جیہڑا کوئی میڈے ایہ گالھیں سُنڑدے تے اُنہاں اُتے عمل نئیں کریندا او اُوں بیوقُوف بندہ وانگُوں ہوسی جئیں آپنڑاں گھر ریت اُتے بنڑایا۔

تُوں آپنڑے بِھرا دی اکھ ءچ ککھ کیوں ڈیدھیں تے اُوں شتِیر اُتے غور نئیں کریندا جیہڑا تیڈی اکھ ءچ ہے؟ تے جِیں ویلے تیڈی آپنڑی اکھ ءچ شتِیر ہے تاں تُوں کیہڑے مُنہ نال آپنڑے بِھرا کُوں آکھ سگدیں جو ’آ مَیں تیڈی اکھ ءچوں ککھ کڈھ ڈیواں؟‘

کُوڑے نبیاں تُوں خبردار راہو جیہڑے تُہاڈے کولھ بھیڈاں دی شکل ءچ آندے ہِن پر اندرُوں چِیرݨ پھاڑن آلے نہر ہِن۔ تُساں اُنہاں دے پھلاں تُوں اُنہاں کُوں سُنجاݨ گِھن سو۔ کیا لوک جھاڑیاں تُوں انگُور یا کنڈیراں تُوں ہنجیر تروڑ سگدن؟

اِینویں ای ہر چنگا درخت چنگا پھل تے ہر بُرا درخت بُرا پھل چیندے۔

چنگے درخت کُوں بُرا پھل نئیں لگ سگدا تے نہ ای بُرے درخت کُوں چنگا پھل لگ سگدے۔

او درخت جیہڑا چنگا پھل نئیں ڈیندا کپ ڈِتا تے بھاہ ءچ سَٹ ڈِتا ویندے۔