Piyɛrì yè Ananiyasì tey tɔ̀ rii ɲàn ci: «Ananiyasì, è bà dzùrù wo y'à to Sùtana yè dzi wo dzuun nèe tsuru. Wo Ŋaablà re Dzi Fɛnɛɛ màniin ! Nìi bàu wo re dzùà ɲɛɛn, wo tɔ̀ sɔn mɛnɛn tou a re, wo yè kòmànà à dzyeè sen na sìn. N ci dzùà na wo yɛ̀r'la raa rìì, mòo dziun wo y'à gɔɔ kparamà ɔ̀n ? Wo to kɛ̀nsɛɛn ye ba à gɔrɔun, n ci à ɲɛɛn wo rìì laa ? Wo na dzia à bà a sao kɛ ! Fee y'à to, wo yè bè nèe goo kaatsi rèe faa ji a duùn. À na ni, a ci wo mòdzin ì nì màniina dɛ, ŋà, à Ŋaablà rii màniinma.»
Ananiyasì dziu twɛy gooma reè myɛ̀n min niì, è mɛɛy sɔn, è san. Gè o ge tɔ̀ goò goomaa myɛ̀un, è sapɛ yeè shi, fɔ è bè geren.