Popular Bible Verses from Marikì 12

Share

Yesù yè dzin à ra ci: «Ŋaablà dzugooma xɔù rìi ni dzyee rèè sapɛ jɔun, tɔ̀ rii siin. "A toro wɔ Isirayɛlì, mùn Tsìfa Ŋaablà rii Tsìfa soo pee. A naà à kɛ̀n kɛ̀n'n kur'la sapɛ. À goò yè bà ni a vunun tsɛ, è bà ni a xɔɔn tsɛ, a kɛsɛmàà sapɛ yeè bà ni à tsɛ, a goò kun a faan sapɛ ka." À fiiraa yè bà yɛ nèe ci: "A modzìnsia kɛ̀n jàci a yɛr'la." Ŋaablà dzugooma xɔù rèè sapɛ ɲan, pɛn na blà twɛy rìì mà waa.»

Yesù yè e re kàràndzin neè kiri kpɛ̀rɛ̀ e ra tɔ̀un, è dzin è ra ci: «Sààben na, mun nì ci e ra, nèe fùnshɔ̀ùntaan gbakɔɔn ree ɲɛyn giri jiu ɲɛyn jia gèè doùn, è geren dzyee rèè sapɛ tsɛ. Àwà, nìi dzyee rèè, twɛy sapɛ yeè e raa rèè tsɛ mɔn'na nì jiu. Ŋà fùnshɔ̀ùntaan gbakɔɔn, tɔ̀ ko e re gbaa sa, è shɛɛ̀n sapɛ rii jiu, arì pɛn tsu na ni à suun è bà ni ɲwɛyn ɲɔn dɛ.»

Àwà, tà shɔ̀ùn, mòdzian ɲɛyn niì reè sìan Ŋaablà ra kwɛ̀yge, è tɔ̀ jia gè nìi doùn Ŋaablà re gbà blàa doùn, Yesù yè bè e tsuù è jaa kere tɔ̀ ra, è mòdzian ɲɛyn jikɔɔn kààwɔɔ̀. Gètsi rèè giri na ɲɛyn giri jia. Tà doùn, fùnshɔ̀ùntaan gbakɔɔn sɔn sa yeè nà, tɔ̀ yeè ɲɛyn myɛyn fii ji. Tɔ̀ naà gereon taman soo tsuru tsɛ waa.

E Ŋaablà kɛn kɛ̀n'n kur'la sapɛ, à goò yè bà ni a vunun tsɛ, a kɛsɛmàà yè bà ni à tsɛ, a goò kun a faan sapɛ ka, tà shɔ̀ùn a modzìnsia kɛ̀n jàci a yɛr'la, saaka dzu kpaankɔɔn reè, ko saaka dzyee bokɔɔn reè pɛn na ni tɔ̀ rii jɔun waa.»

Yesù ci è ra tɔ̀un ci: «Nìi Sezar'laa, ye tɔ̀ sìn Sezar'là, nìi to Ŋaablà raa, ye tɔ̀ sìn Ŋaablà ra.» Yesù rè goò yè ji è dzii tsɛ fɔ è bè geren.