Popular Bible Verses from Marikì 14

Share

À ci: «Mun Fàà, wo dzi ni goo sapɛ ra. Nèe byɛnbe ree dàn gbànbe n na. Ŋà mun naa sàɔ mà fa dɛ, wo raà rìì yè fa.»

Ye to e jaa ra, ye Ŋaablà mafyɛ̀n, dzuunbwey mà nà e tarà waa. Mòdzin gè niì, ŋɛ̀nɛ̀ɲan wuu ni à ɲan, ŋà à ŋɔ̀n nì fyɛn.»

Sààben na, mun nì ci e ra, Kùnàgoo Dziɔ̀ nà dè dziɲantsiɛ min o min, tàan rèe raa goo faumaà sa nà dè, è taa yeè to à re.»

È dzin è ra ci: «Taamaŋununbeè ni a ci à nà mun vu. Ye to tsùù e jaa ra mìin, e maà cìi waa.»

Àwà, è ni ɲwɛɛ̀n nà, Yesù yè buru sen, è baraka sìn Ŋaablà ra, à y'à tara tara, à y'à sìn è ra, è dzin ci: «Y'a tsi ɲɔn, à mun gɔɔ̀n rìì.»

Tà shɔ̀ùn, è yukuun ko e doùn mììnge sen. À re tswɛ̀y siunmaà shɔ̀ùn Ŋaablà ra, à y'à sìn è ra, è sapɛ y'a sɔn min. È dzin è ra ci: «Àwà, à mun tsìɛn nì, Ŋaablà ka dzyèèsìbee tsìɛn, nìi koon mòò giri kamà.

Àwà, Yesù yè dzin kàràndzin neè rà ci: «Ye sapɛ nà vwɛ̀yn ye yè mun to, kàtsu à sɛbɛɔ̀n Ŋaablà re Goomaa doùn ci: "Mun nà sàà kplàtsuubaà vu, sàà rèè sapɛ to nà jee."»

Ye fù m'a wa. Mun jàànfabaà yɛ e kpɛrɛɔ̀.»

Yesù yè dzin à ra ci: «Sààben na, mun nì ci a ra, she fen nèe ɲan ko e sa, sani tsɛ̀keen yè ben jaa fii fa, wo nà bà à dè jaa zhììgi faɔ̀ nòn, ci wo na mun tɔ̀ waa.»