Popular Bible Verses from Mak 1

Share

Mi tana mohomoho putiputi, tahuna te teha vata dato na aso, me rerei ia Jisas me dia tana malengana te mangu me nonginongi.

Me kori vahai vanira de, “Nina tahu ia God e mai noha, ma na nina baravata ia God e maravia na mai! Mihamu kamu tuu pililiu basiaa hamiu seko, ma kamu donua hamu nina saurongo talana ia God.”

Mi tahuna te chuu ia Jisas me laba kae mai, me morosia na heven te haruharu, ma na Tarunga Tabu e sivo mai tatana ia vahai chikai na manu vahai na kavuku. Tana tahu nia, me vota mai chikai na valagu i heven me kori vahai de, “Ihoe na borongana dalegu kalavata nau tu sahaviho, minau u mamahela tatamu hoe.”

Inau u lesovitabuhamu hamu tana kolo bamu, ma ia ba ke lesovitabuhamu hamu tana Tarunga Tabu.”

Me kori vahai vanikoera ia Jisas de, “Kamu ko bukeu nau mu ku ni tihisi vanikohamu na vuho tinoni.” Mara ko tangochaku koera mara ko basiaa kodira vuho, mara ko dia kolua ia.

Mi ira na tinoni nira tara valingea nina valagu ia Jisas, ara makai tana nina sasani ia, matengana ia te tihisi lengaa ia e tamania na susuliha. Ma na nina sasani ia e teha vahai nidira sasani ira na tinoni sau manasa tana nina keja ia Mosis.