Popular Bible Verses from Yɔanɨ 15

Share

Ɨmɨ, na mujabibo, nɔ inu, tɨa mɨtapʉ yɔngɔ. Mombi muɓomu ngɨa aɓio amati asɛmɨ, nɔ ɨmɨ, kʉ amati angɔ, achweiso masɔɔ maja. Dɔ, nángɔkwanana kɨa ɨkyɛmʉ pɔ mɛngana, nɔ́kɔɓienimʉ ta ɨhɔ nɛmɨ.

Ɓieni amati asɛmɨ ingono, ngbanga kʉndʉ ɨmɨ na amati eno. Mʉtapʉ wangɔkwananamʉ anumo lipumo, wɔɓienimʉ ʉɗetenie akɔ mujabibo. Kʉndʉ inu, nángɔkwanana numo lipumo, nɔ́ɓienimʉ amati asɛmɨ.

Ndʉ náɓio amati ɔ asɛmɨ, nɔ mapanʉ ngʉkɔsɛmɨ kɔɓio amati eno, ɨteni ɨkyɛmʉ iɓomu ngɨyɛ nakʉnda, kʉdɔ, na꞊ninjo ɨyɔ injoni.

Sɔkɔmʉ inu akɛ ná꞉nachwa ɨmɨ, yakamɛngana, ɨmɨ akɛ, na꞉nɨchwa inu. Ɨmɨ, na꞉nɨtʉma inu akɔnumo lipumo, nɔ lipumo lɔngɔ, lɨgbalɨa gbalɨanɨ. Kʉɓanɨ, ɨkyɛmʉ iɓomu ngɨyɛ nɛ́꞊ta Aba, akɔ ino yɛsɛmɨ, a꞊ninjo ɨyɔ injoni.

Ɓʉkʉnda ngaɓɔmɔ ɓɔta ɓʉja ɓangɔmʉ akɔnagaaka, mombi ngɨa ɔbayɔ awekio ɓangɛ.

Ɨyɔ Aba, akioko mɨtapʉ yɔngɔ iɓomu ngɨyɛ, yɛkpakpanɨɛ nayɔ, nɔ ɨyɛ, yangɔmʉ anumo lipumo. Yakamɛngana, mɨtapʉ nganangana, ngɨyɛ yaɓio anumo lipumo, aɨtinyoko, nɔ, ɔɨtambanaka, iɗo ambɔ yɨsɨnganaka anumo lipumo tɨa lɨja nɔgbɛ.

Ʉpanʉ ngʉwɔsɛmɨ wa ɓɔ: «Inu, kʉndaneni ati eno, ngbanga kʉndʉ ɨmɨ nanɨkʉnda.

Ndʉ náchweiso masɔɔ maja, Aba asɨka ʉbɨba. Kʉdɔ, nápananiso aɓʉmba ɓɔ ná ɓakpata ɓɔsɛmɨ ingono.

Ɨmɨ akɛ, na mujabibo ngʉwɔ ingono, nɔ Aba ngɨasɛmɨ akɛ, a makwɔ ɔ kʉbaa ngɨananɨ.

Mombi muɓomu ngɨa angɔmʉ amati asɛmɨ, ɓamugiso aɓei, ngbanga ndʉ ɨyɛ ɓagikiso-ɔɔ mɨtapʉ. Kʉdɔ yɔmaka, nɔ, ɓɔɨtɔpaka, nɔ, ɓɔɨgikiso amati ɔ dyaa, nɔ, yɔsioko ta sioko.

Ɨmɨ, nɔ꞉nɨngakɨɔ yaka ngɨyɛnɛnɨ, dɔ, ɨgyagya ngɨyɛsɛmɨ yiɓio amati ɔ mɨtɨma ngɨyeno, nɔ, ɨgyagya yɔngɔ yɨhuo ta nuhuo ɓɔ kyɛɛ.

Ndʉ nákyananakɨa mapanʉ ngʉkɔsɛmɨ, ná꞊ɓio ɓombi ɓɔsɛmɨ ɓɔ ɓʉkʉnda. Kʉndʉ ɨmɨ, nakɔkyananakɨa mapanʉ ngʉkɔ Aba, nɔ, na tɨa kʉ mombi ngɨangɔ ɔ ɓʉkʉnda.

Ʉpanʉ ngʉwa nɔnititio ɓɔ kyananakieni wa ɓɔ: ‹Kʉndaneni ati eno.›

Nɔ́꞉ɓieni jɛnɛ ɓombi ɓɔ dɔdɔ, ambɔ dɔdɔ anɨkʉnda kʉ kʉndanɨ ndʉ ɓombi ɓangɔ. Yakamɛngana, ɨmɨ akɛ na꞉nɨchwa inu, nɔ, nenu achweiso amati ɔ dɔdɔ. Kʉɓanɨ inu, nangɔmʉ ɓata ɓombi ɓɔ dɔdɔ. Yaka ngɨyɛ dɔdɔ a꞉nɨyaa-ɔɔ, ɨyɔ ɨyɛnɛnɨ.