Popular Bible Verses from Luka 14

Share

“Nʊ nɨ swɨ bwangtǝm mǝndɨ lɛɨ, bɛ ga swɨ ɨ a laa tɨya gɔ jǝbɔ nɛnɛ gɔ, jǝbɔ nwala gɔ, jǝbɔ bɛtɨ lɔ gɨɨ, jǝbɔ kɛtǝlam gǝnɔ batǝnɔ, jǝbɔ a nɔɔtǝnɔ, jǝbɔ kʊlɨ gǝnɔ. Na mɨ nyɨɨ, mɨsɔ dwal lɛ a yǝlam bwɛ mɛlalɨ mɨ.

Na nʊ nɨ a do bɔ tɨya kʊʊtǝm gǝnɔ a bwang mɨɨ, mɨsɔ dwal lɛ a yǝlam bwɛ mɛlalɨ mɨ.

Nʊ nɨ a gung dul gǝnɨ, jǝ soga gǝn soga. Nʊ nɨ a shig dul gǝnɨ, jǝ nǝ gǝn nǝ dʊʊn.”

Gǝ na nyɔ tʌjen, na nʊ nɨ a bǝla bɔ kanjǝl nɨ gǝ nǝn gwamɨ, mɨsɔ yǝlam bwɛ mɛlalɨ mɨ lɛ.

“Mʊsǝn kɛlɔ nǝn gɔ, na kaa nǝl a kʊm jen, swɨ lɛ a mɔ kan dʌbʌli, yɨ yɨ dɨn a kiyo kanjǝlɔ gǝ ten nɛɨ, sǝ a kuwo kɛna kemʌnɔ gǝ nǝn a kangɨ la la mɔtǝm lɔngɨ. Mɨ nyɔ ka? Na ga swa fʌlʌmɔ ga dwal bɔ ga dɨ mɔtǝm gǝnɨ, nǝb nɨ a kuwo maajɨ nɨɨ, jǝ dǝg gǝn dǝg jǝ sʊwa lɛ gɔ, ‘Nʊ nɨ a tǝl mɔtǝm lɔngɔ, wɔ a gaa nǝn, a dɨ bɔ.’

Kwama mʊ jo nǝb jatǝm jǝjalǝn nɛɨ, bɛ ń jo nǝbɔ mɨ nǝn jǝlɨ, bɛ ń jo nǝbɔ mɨ nǝn naaɨ, jǝbɔ nǝbɔ bʊtɔgɔ a swam swamɨ, jǝbɔ kululʌmɔ. Na ń maa nyɨɨ, mʊ nya nya bwili, jʊ a bwɨɨ nǝb nɨ mʊ joi mɨsɔ jǝ nya gola lɛ ja ywa ń naanɔ. Nǝn Kwaama ywa ń nɛ nǝn di guntǝm nǝb dǝngdǝngɔ a bwaagɔ gǝmɨ.”

“Mamɔ n jǝ lǝmɨ, na denden gǝnɔ a jelʌmi, maa nyǝn lǝm lɛ tagɨ? Mɨ nǝn bʊmǝn wo tag a tɔtwam. Jǝ tǝlam gǝn fʌlen. Nʊ nɨ nǝn lɔl nyʊwatǝmɨ, bɛ ga nyʊwa.”