Popular Bible Verses from Luka 7

Share

Mǝ sʊwa ń nɛ, bwɨlangkɛl nɔɔlɨɨ nɨ a maaɨ, ja kǝlǝm gǝm a lada, jʊ a bwɨɨ swɨtǝm gǝnɔ a lada. Nʊ nɨ ja kǝlǝm gǝm dǝmɨ, swɨtǝm gǝnɔ nǝn dǝm nyɔ.” Nǝngɔ a sʊwa nɔɔlɨ nɨ gɔ, “N kǝlǝm mʊn bwɨlangkɛl mʊnɔ.”

Nǝngɔ Yesu a sʊwa nɔɔlɨ nɨ gɔ, “Nǝtǝm bɨlǝngkɛl mʊnɔ nǝn gɔ a bʊʊ nǝn mʊɨ, ya kwamɨgǝn.”

Nǝngɔ ba jʊng a gul gǝnɨ, nǝngɔ ji lɛɨ, mwɛ num gǝnɔ tǝla lɛ a naa gǝnɔ gǝm, waam lɛ nǝn yitʌn dul gǝnɔ, nǝngɔ a kwal naa gǝnɔ waa gǝm nwang nyanɔ lɛɨ.

N jʊ a bwɨ mǝ la bɔ nyɔ n yɔ a daa mɔ woi. Sʊwa kɛl, bwɛ jwaalɛ mɨɨ gun gun. Mǝ tǝmɨ mǝ na a kang fɔlɔn kaa nǝlɨ. Mǝ nǝngǝn nǝn sʊwajaamtɨnɔ a mʊgɔ fɔlɔn mɨ. Mǝ sʊwa sʊwa kaa mǝʊ ‘Yɔ,’ a yɔ. Mǝ sʊwa sʊwa kaa mǝʊ, ‘Ba,’ a bɛ. Mǝ sʊwa sʊwa kaa bwɛ jwaalɛ mɨɨ mǝʊ, ‘Maa nyɔ,’ a maa.” Yesu a nyʊwa nyɨɨ, nǝngɔ a ta kang a nyiyoi. Nǝngɔ a yǝla a daa nǝb nɨ bwang gǝm lɛɨ, a sʊwa gɔ, “Mǝ sʊwa jen nɛ, mǝ nya bɔ nǝl wo nǝn gʌleng nǝtǝm bɨlǝngkɛl nyɔ a mʊgɔ Israila!”

Kwama ja bɛmɨ, ba ja nya Yesu gung nǝbɔ lɛ mɨ kwamɨgǝnɨ a gǝlala, jǝbɔ nǝb twɨlamɔ, jǝbɔ nǝbɔ nǝn yʊwa bwɨlaɨ, jǝbɔ kululʌmɔ a lada ja nya kuwotǝm daa. Nǝngɔ a jǝla ji gɔ, “Ya jǝ́ sʊwa Yohana jʊ jǝ́ kuwo, jǝ́ nyʊwaɨ. Kululʌmɔ kuwo daagɔ lɛ, nǝbɔ bʊtɔgɔ a swam swamɨ yɔ yɔm lɛ, nǝbɔ a mwata mwataɨ a nya lǝma, nǝb nɨ mɨ jǝ nyʊwa lɔl lɛɨ, jǝ nyʊwa kɛlɔ lɛ, nǝbɔ a bʊlaɨ, ja gun, ja kiyo nǝb bʊnǝnɔ gǝm fulon kɛl lǝmɨgɔ.