Popular Bible Verses from Luka 8

Share

Dʊʊm nɨ a tǝla a tǝm nyanɨ, n nǝbɔ na a nyʊwa kɛl Kwaamaɨ ja ta gwanggwang nǝlɔ wini, ja kʊ nǝl ja jǝg dʊʊmɔ a ladaɨ.

Dʊʊm nɨ a tǝla a kʊm sholaɨ, n nǝb nɨ a nyʊwa kɛl Kwaamaɨ. Na jǝ daamɨ, komʌn kanjǝl yooligɔ, jǝbɔ saatǝm shilogɔ jǝbɔ nyʊwatǝm lǝmagɔ ba bǝmǝm bɨlǝngkɛlɔ. Mɨ jǝ maa jǝ nya lɛɨ.

Dʊʊm nɨ a tǝla a daa tatǝnɨ, n nǝbɔ gǝ yo kɛl Kwaamaɨ lɛ nǝn fulotǝm nǝlɨ. Na ja nyʊwaɨ, mɨ ji nǝn nʌl. Jǝ nǝ bɨlǝngkɛlɔ nǝn dǝm nyɔ. Na ja tɛl jii, mɨ jǝ tɨm bǝlatǝm kɛl Kwaamaɨ lɛ.

Nǝngɔ a bʌ ji gɔ, “Nǝtǝm bɨlǝngkɛl jenɔ fee?” Taalɔ a ta ji, nǝngɔ ja ta kang a nyiyoi. Nǝngɔ jǝ bʌbko lɛɨ gɔ, “Nʊ nɨ nuwo yʊwagɔ jǝbɔ mwɛmɔ mʊla lɛɨ nyʊwa kɛl gǝnɔ lɛɨ?”

Dʊʊm nɨ a tǝla a golaɨ, n nǝb nɨ na a nyʊwa kɛl Kwaamaɨ, Mammɔ ba jǝgǝm a mʊgɔ nǝl jinɔ gǝmɨ, sǝ ja nǝ bɔ bɨlǝngkɛl nɨ jǝ bʊʊm lɛɨ.

Mɨ nǝn jʊ nɨ wo ja yʊ yʊɨ mɨsɔ jel lɛɨ. Mɨ nǝn kɛl nɨ ja ta a mʊgɔ nǝlɨ, mɨsɔ jel lɛ a talɨɨ.

Nɔɔlɨ nɨ kuwo lɛ jǝ nyǝm gǝn nyǝmɨ, nǝngɔ a jeli, bʊtɔgɔ ka lɛ nǝn kʌbkʌb nyɔ. A jʊng a kǝga Yesui a sʊwa gǝn jʊ a bwɨ gǝ ke gǝnɨ, jǝbɔ lǝma nɨ gǝ nya tʌgo a kangɨ. Yesu a jǝla gǝn gɔ, “Bʊla mɨ, nǝtǝm bɨlǝngkɛl mʊnɔ a gung ń. Yɔ kwamɨgǝn.”

Nǝngɔ bɛtɔ mɛlalɨ gǝnɔ ba gung gǝnɨ gɔ, “Tɛlalɔ, Tɛlalɔ, ya bǝ bʊla lɛ!” A kǝlaɨ, nǝngɔ a ga yʊwagɔ jǝbɔ mwɛ nɨ mʊla lɛɨ gǝm wulongi. Nǝngɔ yʊwagɔ jǝbɔ mwɛmɔ a tɨɨ.