Popular Bible Verses from Yohana 12

Share

Egwa egwa e dgyan ge e no etsonchi mam, ge no kenm ge e ba m. Ge no kenm ga no ya mochi mam na no adi zǝn a m no anga gaten. Àtà m hon a no nobǝ e bwe m mochi anga edgwa.

Ende e dgon nya mbwe a ben ye nó ra, ende e segwa nya mbwe a tswa zǝnchaje ena, ti nó nyi anga mo nya e no a fwa efwam ángá.

Ebi m jan nye anga, kpwà tén ano be ti fwento mo alkama tswa a sǝnsen, ge fǝ ara ra, ge no a kpwà emà mbwe, fwento akan hon. Tea ano ge fǝ ara, ga gwa be ga àywá.

M̀ bwa a tswa zǝnchaje ena abu enggasansan evǝa egwa egwa e tsǝ́ekǝ̀n a chu m, a no a kpwà ye a tswafǝ ra.

“Egwa egwa e fo be fwa mam, tea ge tse ye be ra, ma kpèn m ye kǝ́n ra adia m bwa m a di zǝnchaje evǝa me e kpèn be nobǝ kǝ́n ra, tea me e no be nya.

Kǝnggwa Meri è ti byi yoben lita akan éè no ngge tse àywá, a be bwe anga ngge tumo a be fǝ́ anga naadi ángá, ti nggwa Yeso a kpwafu nè fwe ngǝ́ nó ngge zan-a-chu mbwe. Yoben mo byi hon è mboshi tswa akan mu hon.

Kǝnggwa bè vǝ́ a je nè kpwá be akpan-hu dwa a bu mo be, evǝa be e cha ye. Bè no tandwa anga jan, “Be e tàn Ehwya!” “Esese a nwone e nyabwa adi ti mo Etsodwe hon anga.” “Esese a Tì hon mo be ya a Esǝrela.”

Yeso è janfwe be, “Asuswana ekpengga a be bwe a gǝ̀n Nwen Nobǝ ángá bwangga ara.