Popular Bible Verses from Luka 14

Share

“Ano ende akan nda anga ge e ba m, n dgyan fí ti ara m, chàshín: ate ye, ayi ye, gwa ye, mbǝgya mbwe, be nwenjwa ye tan èé ngge nya mbwe ra, ge chà kǝn ye ge e ba m ra.

Ende e se ge e tso eswafǝ mbwe ge e ba m, chà kǝn ye ge e ba m ra.

Ende e tigǝ̀n chu ye, ba ti ye a shwa a sen. Ende e ti chu mbwe ngǝ a sen, ba ti a gǝ̀n ye.”

Ba anona, egwa egwa mo nye, e twagwa gu ye be atkimo mbwe ra, chà kǝn ye a ge e ba m ra.”

“Be è jan, ende akan mo nye dgyan anga ge e mbwe àtá a kpe, ge kwafya a chu ye a sen, ge e ka e se tashwa ano ge no ngge tse e kǝn ara a ge e ti mbwe a fǝ àtá hon sangǝ́ ra? Efki ra, ano ge tke fù mo àtá hon, n mbwe fǝ ti ye nó ra. Binbin mo be ya di abu mochi hon ndnyano ángá, a tson ye tsen. Ba jan, ‘Ende ena tke fù mo àtá, n mbwe fǝ ti ye nó ra.’

Ano o fǝ́dwa esǝ anga, fǝ́ be ya ekan, be ya e ken a ti be kèn ra, be ya e mbe anga embem ángá ngge be ya fǝzǝn ebwibwi. Adi ebwem enò, wa ben esese adia be ya ena, kpwa no a ti mbo ra. Ehwya kpwa a no o a ge atan a be ya ebitete a nyi etkyen a ndikpǝ ángá.”

Yeso è tso bishi be hufwa efki jan, “Nga a mò esese, tea ano ge nyo ye efwe ra, ba bwe nó engǝ ge e twafwe bwa enyonyo efwe? Ga se ye mo sǝnsen ra, ga se ye mo edimò ra gaten. Be ti nó nggwa a fwa. Ende e no ngge tón mo fwa efom, ge e fo e yi nó.”