Popular Bible Verses from Luka 8

Share

Tea be fwento ya è nggwa adi sǝnsen esese ángá, no abu be nobǝ ya e fo fwa mo Ehwya hon, n fungǝ́shi nó ngge tsuruku mo be, be bon-ekǝ̀n n gwa be ga.

Be fwento ya è nggwa a tswa evi ángá, no abu be nobǝ ya e fo fwa mo Ehwya, tea abu be no zǝno mo be anga, ju emam ngge edgyan mo tse ngge etkwa efom mo zǝnchaje ena bwe be, be chambo be ra.

Be fwento è nggwa a chu sǝnsen ago ángá, no abu be nobǝ ya e fo fwa mo Ehwya hon n cha nó ngge vǝtsen. Tea adia be fwa be ngge kpwà evǝnvǝn a tsuruku mo be ra ángá, be tsǝ́ekǝ̀n mo ekpengga nwofyan. Atan a be kwa ara a tswa embwadi, be vǝ́ eshin myan myan.

Ekǝnggwa gè ká be etsonchi mbwe eka jan, “Chaebi mo nye no a che?” A tswa mo etsentsen a chu moeditanm ena, bè kwa ara sojube eka ekam jan, “Ende hon ena a ara? Gè kpón èé fyochu ngge mbǝ dgyén, be tse ye.”

Be fwento éè nggwa efǝku ángá no abu be nobǝ ya e fo fwa mo Ehwya, Shetan bwa kpu ara fwa hon a tsuruku mo be, afwa ba tsǝ́ekǝ̀n abu Ehwya e ti e vǝ́ be.

Mò e no engǝ̀tonton asuswana ángá, nwone a ba jan nó a gwa be a je ara, fwa ye ra, mò e no etwapepe asuswana nwone a ba yi be nó ra, eno e ra a be ti a gwa be a je ra, fwa ye ra.

Kǝnggwa, ndegwa hon è yi ara jan ge ngǝ̀ton a ti ye ra, a tswa emme ebum, gè bwa nggwa ekpanvǝ mbwe chafya mo Yeso. Gè jan a chafya mo be nobǝ binbin ya è no a zǝn ángá, mò è bwe gè yi Yeso a ju ngge abu gè ben ematswam kè akan ángá. Yeso è jan ye, “Nwen m ndegwa, chaebi mbo matswa ara o, ken a tswa adgye.”

Be etsonchi mo Yeso è ken fǝ́zǝ ye nè jan, “Yagwamo mu, Yagwamo mu, ja fǝ.” Enona, gè nyi etkyen nè kpón fyochu ngge mbǝ hon éè fǝ́ anga dgyén. Fyochu hon è ngǝ ju, zǝn hon binbin è tswa gushi dgye enó