Popular Bible Verses from Marku 13

Share

Binbin mo be nobǝ a ze nye a chu m, tea ende e bon-ekǝ̀n kengga ara ekǝn-etkyen, a ben ega.

Nye e no ezǝngga, nye e bgeshi fǝzǝn. Adia nye yi nye atan a ekpengga hon a bwa ángá ra.

Atan a be fu nye ken ara a zǝn kǝ́n ekpènm ángá, nye e ka nye fwa a nya jan ángá ra. Nye e jan e kpwà mò a be jan nye anga atan enò ángá, adia fwa ye a nye e jan fwa hon anga ra tea a Engǝ́ Echanwenwen.

Kpe ngge sǝnsen a kǝn-etkyen, tea be fwa m a kǝn be etkyen ra, be bwe a kǝ̀n a tén ebwekǝ̀nm.

“A chu nò hon, eno e ra ekpengga hon, nobǝ akan yi ye ra, èé be maleka a kpe ngge Nwen hon, tea kpwà tén Àtà hon.

Atan a nye fo fwa mo kàn ngge asha mo kàn, nye e tsen nye etsentsen ra. Ge no ara kenm a be mò ena a bwe, tea ekǝn-etkyen mo zǝnchaje chà dan shi.

“Enona, nye e dgon e seshi zǝn adia nye yi nye ekpengga a yagwamo mu hon twabǝ a bwa ángá ra: ehwyà ga no edgó eno e ra tswa-tsǝ eno e ra akǝndon eno e ra anofon. Ano ge bwa kè akan; we cha mbo dwa ge e ben o, o dwa dan anga ra. Mò a m jan nye anga na, m jan ye anga ngge egwa egwa. Nye bgeshi fǝzǝn.”

Eyasǝnsen a nyo kàn ngge eyasǝnsen, zǝnotì a nyo kàn ngge zǝnotì. Sǝnsen a chìju ngge mbe a fu be nobǝ adi be zǝn efki efki. Be mò ena a etkem mo edwadwa mo mba hon, kpwà ara.

Ge no kenm, ba ti edgon mo Fwa Esese a jan be egwa egwa mo efi sangǝ́ ekǝn-etkyen mo zǝnchaje chà a bwa.

Be nobǝ embo a bwa a di ti mam, n no a jan anga jan, ‘A me ma Kristi, nobǝ etsǝpepe mo Ehwya.’

“Nye e dgon chu nye. Ba kpu nye a du abu mo be ekpenkǝ́n, ba bu nye akpan a tswa be àtá chuefǝnm. A chu m, nya ywa chafya mo be gomna ngge be Tì abu be eyifwa mam. Ena a no efwa a nye ben ti a jan be Fwa Esese a chu m ángá.

Adia be Kristi fwafe ngge efojan fwafe a mbwi a bwa, na bwe be echi ngge moeditanm evǝa be e ngga e de be nobǝ, èé be eswavǝ ano ge no ebwetim.

“Atan a be ekan ekǝnkǝn nya ena, nya ara ángá, “ ‘Nò a twafǝ ngge fka a tú ye enggasanm mbwe ra, be ngǝkpe hon a vǝ a zǝkpe nggwa a shwa sen, ngge ba chì be mò e no a kpe ángá ju.’