Popular Bible Verses from Utumbuli 50

Share

Mwanganya mwapai kuhenge lihaya, lakini Sapanga janhengila gaamboni ili bandu bingi apata kuba bomi ngati emukubona lelenu.

Lakini Josepu jaapwagila, “Mwiijogopa, boo nepani ndi nguba badala jaka Sapanga?

Henu mwiijogopa. Nepani ngiti nuntunza mwanganya pamu na bana binu.” Ndienu jaapolisa mioju nukulongee naku sapi.

‘Mwampwagila Josepu kwa ndaba jangu. Gupepa koku gwaalekakiya akalongu baku makosa gabu ni kihakau soti seaguhengi.’ Henu gupepa koku gutulekakiya kihakau setuguhengi twepani twaatumisi baku baka Sapanga wa atati baku.” Josepu pajapata ujumbi gola jalei ngamaa.

Mwenikatai Josepu jaapwagila alongu baki, “Nepani henu nhegale kuwa. Lakini Sapanga jiihika kunzangatii. Jammboa mu nndema gongo nukumpeleka mu nndema goanndagila Ibulaimu ni Isaka na Yakobu.”

Ndipala Josepu jaalapisa bana baka Izilaeli kupwaaga, “Sapanga pajihika kunzangatii, mwihakikisa ana, mwiijukua mahupa gangu kuhuma kongo.”

Ndienu, Josepu jawelila ku Misili, koni jubii na yaka mia jimu na komi. Nabombi bapakia yega jaki mitela jiibola, bijibeka yega mu lisanduku ku Misili.