Popular Bible Verses from Luka 6

Share

Ăn hom, khân may mra dơi ăn tay; bu mra sŏk thŭng toyh veh bêng, mpet jŭr, rgu kŏ tât nôk bêng ler, jêh nây nkhŭt tâm ntôr ao khân may; yorlah mâm nau khân may veh ma bu, pôri khân may mra dơn tay veh kơt nây.”

Bunuyh ueh yor nuih n'hâm prăp nau ueh ngluh nau ueh; bunuyh mhĭk yor nuih n'hâm prăp nau mhĭk ngluh nau mhĭk; yorlah bêng tâm nuih n'hâm rĭ dĭng mbung ngơi luh.

Ƀiălah ăn khân may rŏng phung rlăng khân păng nơm, ƀư hom nau ueh, jêh ri ăn chan hom ƀiălah lơi kâp mplơ̆ tay. Kơt nây, nau nkhôm khân may mra jêng toyh, jêh ri khân may mra jêng kon Nơm Dŭt Prêh, yorlah Păng sŏk nuih n'hâm ueh ma phung mâu gĭt nau yô̆ jêh ri ma phung janh ƀai.

Yô̆ nđach hom tâm ban ma Mbơ̆ khân may yô̆ nđach.

Lơi phat dôih bu gay khân may mâu mra geh nau phat dôih. Lơi phong bu gay khân may mâu mra geh nau tâm rmal. Yô̆ an hom ri mơ khân may mra dơi yô̆ an.

Ƀiălah Gâp lah ma khân may jêng phung iăt nau Gâp: Rŏng hom ma phung rlăng đah khân may, ƀư ueh ma phung tâm rmot ma he nơm, ăn nau ueh uĭn ma nơm rak rtăp he nơm, jêh ri mbơh sơm ma nơm ƀư bêk prêng he nơm.

Moh nau khân may ŭch bu ƀư ma khân may, ƀư hom ma bu nâm pônây.

Mbu tap khân may ta bom đah aơ, ăn hom bom đah tê̆ ma khân păng; bi tơlah mbu sŏk ao padih khân may, mâu đŏng buay ôh khân păng sŏk đŏng ao tâm trôm. Mbu nơm dăn, ăn hom; mbu pit sŏk drăp ndơ khân may, lơi sŏk tay.

Mâu geh ôh tơm si ueh geh play khih; mâu lĕ geh tơm si khih geh play ueh

yorlah uănh play ri mơ gĭt tơm si. Mâu mbu pĕ ôh play rvi ta pŭm lok, mâu lah pĕ play krăk ƀâu tâm pŭm rtau lok.