Popular Bible Verses from Luke 19

Share

Na Tuna na Tinoni sa sa lame ko sa nyaqoa ko sa aloa na tinoni sa muma,>> sau si Jisu.

Pira qarigu, Sa tamana sa na Bangara, isa sa lame pa isongona na Tamasa! Na bule sa kole pa noka beto mi tavalavata sa na Tamasa pa nulu, qarigu.

Poni sa pira saunia i Jisu sisa, <<Pa rane tugu pa ngeni api sa taalo sa na tatamana api. Ura i Zakia kisa ba na bubutuna tugu i Ebarahami.

Totonai sa kamua i Jisu sa na ia isa sa sa enga sae ko pira saunia si Zakia, <<Zakia, mu sisiqarai gore! Ura pa ngeni api sa mana lao suvere pa ruma tamu sara,>> sau sisa. Isa tugu sa paranga vei ina i Jisu poni sa sake ruavo tugu na gorena si Zakia, ko sa vakamu vatalea pa ona ruma si Jisu beto sa qera sisa.

Ba sa turu si Zakia, ko pira saunia sa na Bangara, <<Bangara, kode mana vaniria ara ira na tinoni vaivasevidi sa na kobuna na qua isisongo. Beto vei ba tekuria ara pa soana seseke sira na sakasava tana goto tinoni, sa kopira mana vani beia ara na padana ka made totoso kubo jolaniria ira qa tekuria ara tana sisa,>> sau sisa.

Kaki ira na Parese pa vaikamu tinoni pira qarigunia i Jisu, <<Tinoni vaivagigalai, mu tokeria sira na mua sepele ko mai noso!>> qarigu. Poni sa oeria i Jisu, pira sauniria, <<Ma poja vatalenigou ara sagou: vei maike vagala sira, sa ira na patu mekadi sa kode mai vevela votu,>> sau sisa.