Popular Bible Verses from Luke 4

Share

<<Na Gagalana na Bangara sa sa kole taqu, ura sa vilesiu isa sara ko mana taraenia na nongoro jongana tadira qai golaba. Sa garunusiu isa sara ko mana ule votunia na toa taruvatana tadira qai tapiu, beto na revangana na matadi ira qai leqa, ko mana ruvataria ira qai nganganguluria ira na tinoni, beto ko mana taraenia ara na totoso mina aloria na tinoni na Bangara,>> sau.

Poni sa oea i Jisu sisa, pira saunia, <<Ba pira tu sau sa na Kukuti Tabuna, <Na Bangara na mua Tamasa mu vatarasaea, beto ko isa gu mekana mu nabulunia,> sau,>> sau si Jisu.

Poni sa oea i Jisu sisa, <<Pira tu sau sa sa kole pa Kukuti Tabuna, <Na tinoni sa sake toania na bereti gagale mekana,> sau,>> sau si Jisu.

Ego sa pugelia na Gagala Tabuna si Jisu, ko sa taloa pa pie Jodani ko mi muleona sau. Ko tonai sa mule sa sa tonia lao pa qega na Gagala Tabuna sisa

Poni sa oea i Jisu sisa, pira saunia, <<Pira tu sau sa na paranga pa Kukuti Tabuna, <Muke podeke vagonai na Bangara na mua Tamasa,> sau,>> sau si Jisu.

Ego ko pa liguna sa vaokotoria na bangaradi na tomate sira doru ona totoke, sa sa taloa riu gu mai tinganai sa kamua mule kai totoso jongana.

Ego beto sa na bangaradi na tomete sa toni saenia mule pa kai ia ululuna si Jisu ko sa vabatinia pa kai iapeki totoso sa doruna na binangara pa kasia gusu. Beto sa pira saunia na bangaradi na tomate sisa, <<Ao mana vani betogo sira dorudi na neqi aipira beto na dia isisongo, ura ara gu qa tei taianiria tu sa aipira ko na tinoni mana nyogua vania ara sa mana boka vania gu. Ko ao sa vei muna vatarasaesiu ara, poni sa muna isongo betoria ao mana veinigo sira dorudi pira,>> saunia. Poni sa oea i Jisu sisa, pira saunia, <<Ba pira tu sau sa na Kukuti Tabuna, <Na Bangara na mua Tamasa mu vatarasaea, beto ko isa gu mekana mu nabulunia,> sau,>> sau si Jisu.

Ego beto sa sa toni laonia na bangaradi na tomate pa Jerusalema si Jisu, ko sa toni kesa vaturua pa babanana na kakabarena zelepade, beto pira saunia, <<Vei muna Tuna na Tamasa sao, sa mu koko lani mu soqolo gore. Ura sa paranga na Kukuti Tabuna, <Na Bangara mina garunuria sira na ona mateana ko mai kopu vasarego. Beto ko mai kalogo ira pa limadi ko maike isongo paleka podeke pa papatu sira na nenemu,> sau,>> sau sa na bangaradi na tomate. Poni sa oea i Jisu sisa, pira saunia, <<Pira tu sau sa na paranga pa Kukuti Tabuna, <Muke podeke vagonai na Bangara na mua Tamasa,> sau,>> sau si Jisu.